Դժվար է աշխարհի առաջնության ուղեգիրը նվաճել, բայց քանի դեռ տեսական հնարավորություններ կան, պայքարելու ենք մինչև վերջ․ Կապառոս
Հայաստանի ազգային հավաքականը նոյեմբերի 11-ին ԱԱ-2022-ի ընտրական փուլի շրջանակում Երևանում կյուրընկալի Հս․Մակեդոնիայի ընտրանուն։ Խաղից առաջ կայացած մամուլի ասուլիսի ժամանակ մեր թիմի գլխավոր մարզիչ Խոակին Կապառոսը պատասխանել է լրագրողների հարցերին։
Ձեր կարծիքը Հս Մակեդոնիայի հավաքականի մասին ու վաղվա խաղից ի՞նչ սպասելիքներ ունեք։
-Խոսում ենք մի մրցակցի մասին, որին լավ ճանաչում ենք և որը մեզ է լավ ճանաչում։ Մի քանի անգամ հանդիպել ենք այս մրցակցին, որը լավ թիմ ունի։ Կփորձենք հնարավորինս լավ հանդես գալ։ Իհարկե, դժվար է աշխարհի առաջնության ուղեգիրը նվաճել, բայց քանի դեռ տեսական հնարավորություններ կան, պայքարելու ենք մինչև վերջ։
-Ձեր՝ հավաքականը գլխավորելու ընթացքում ֆուտբոլիստները խաղային պրակտիկայի պակաս գրեթե չէին ունենում, այս անգամ պատկերն այլ է․ Սարգիս Ադամյանը, Տիգրան Բարսեղյանը, նաև Հենրիխ Մխիթարյանն է քիչ խաղաժամանակ ստանում վերջին տուրերում։ Ֆուտբոլիստների ֆունկցիոնալ վիճակն ինչպե՞ս եք գնահատում, արդյոք իրենց թիմերում քիչ հանդես գալը չի ազդի հավաքականում խաղի վրա
-Ո՛չ, այդ գործոնը չի կարող բացասական անդրադառնալ թիմի խաղի վրա։ Համաձայն չեմ, որ Հենոն պրակտիկայի պակաս ունի, նա խաղում է, բացի դրանից, մարզումները բարձր մակարդակով են անցկացվում իր թիմում։ Եվ ճանաչելով Հենոյին և իմանալով այն պրոֆեսիոնալիզմը, որ նա ունի, կարող եմ ասել, որ համապատասխան վիճակում է։ Նույնը կարող եմ Տիկոյի մասին ասել։ Նա ողջ մրցաշրջանի ընթացքում խաղային պրակտիկա է ունեցել, իսկ այս պարտադրված հանգիստը նույնիսկ ավելի լավ կարող է անդրադառնալ իր մարզավիճակի վրա։
-Ֆունկցիոնալ ի՞նչ վիճակում են Սելարայանը և Բալեկյանը։
-«Բոկա Խունիորսում» խաղացողի առջև շատ բարձր պահանջներ են դրվում և այս առումով որևէ խնդիր չկա։ Լուկասը նույնպես խաղային պրակտիկա ուներ, այս առումով էլ խնդիր չկա։
«ՀայաՔվեն» կոչ է անում արտախորհրդարանական ընդդիմության լայն կոնսոլիդացիայի. Մենուա Սողոմոնյան
Պատարագի ժամանակ եկեղեցում իրավիճակը լարվեց
Այսօր Հայաստանի տարբեր մարզերի շուրջ 500 երեխաներ «Տաշիր» բարեգործական հիմնադրամի նախաձեռնությամբ հյ...
Եկեղեցու դեմ սկսված ճնշումը վերածվում է քաղաքական հաշվեհարդարի
Մոլեգնող հրդեհներ. իրավիճակ, որը բացահայտում է խորքային թերությունները. «Փաստ»
Յամալն այսօրվա ֆուտբոլի գլխավոր տաղանդն է․ Թոնի Կրոս
Քեմբրիջում ստեղծվել է օրգանական կիսահաղորդչի վրա հիմնված ավելի արդյունավետ արևային մարտկոց
Փաշինյանի ներխուժումը Սուրբ Սարգիս. պայքար կաթողիկոսի դեմ
Վերջին յոթ տարում Հայաստանում ուսանողների թիվը պակասել է 25 տոկոսով. Ատոմ Մխիթարյան
Ինչո՞ւ Արման Թաթոյանը չի մասնակցել քաղբանտարկյալների թեմայով լսումներին. «Փաստ»
