Տեղի է ունեցել հայերենով «Խրատական խոսք» ժողովածուի եւ «Աբայի ճանապարհը» վեպի շնորհանդեսը

Օգոստոսի 19-ին Հայաստանում տեղի է ունեցել հայերենով վերախմբագրված ղազախ բանաստեծ եւ մտածող Աբայ Կունաբաեւի «Խրատական խոսք» ժողովածուի եւ Մուխտար Աուեզովի «Աբայի ճանապարհը» վեպի շնորհանդեսը։

Աշխատանքը կատարվել է Հայաստանում Ղազախստանի դեսպանության հովանու ներքո եւ Երեւանի պետական համալսարանի, ինչպես նաեւ «Բզեզ» տպագրատան աջակցությամբ եւ նվիրված է Կունաբաեւի 175-ամյակին։

Հայաստանում Ղազախստանի արտակարգ եւ լիազոր դեսպան Թիմուր Ուրազաեւի խոսքով՝ սա զգալի ավանդ է երկրների միջեւ մշակութային համագործակցության զարգացման մեջ։ «Կունաբաեւի ստեղծագործություններով կարելի է հետեւել ղազախ ժողովրդի պատմությանը։ Կարելի է մի շարք զուգահեռներ անցկացնել այս ականավոր ղազախ բանաստեղծի եւ մեծ թվով հայ մտածողների ու գրողների միջեւ»,- ընդգծել է նա՝ հավելելով, որ 2020 թվականը Ղազախստանում հայտարարված է Աբայի տարի։

Դեսպանը պատարաստակամություն է հայտնել հետագայում եւս Հայաստանի եւ Ղազախստանի միջեւ հարաբերությունները զարգացնել մշակույթի ոլորտում եւ հայտնել է ղազախական կողմի ծրագրերի մասին հայ գրողների եւ բանաստեղծների ստեղծագործությունների ղազախերենով հրապարակումը պատրաստելու վերաբերյալ, ինչպիսին են Նարեկացին, Խաչատուր Աբովյանը, Ավետիք Իսահակյանը, Պարույր Սեւակը եւ ուրիշներ։

Կրթության, գիտության, մշակույթի եւ սպորտի փոխնախարար Արթուր Մարտիրոսյանն իր հերթին նշել է, որ Կունաբաեւը խորը հետք է թողել համաշխարհային գրականության եւ ղազախ ժողովրդի հոգեւոր զարգացման մեջ։