«Անմեղ» թվացող հինայի չարաբաստիկ հետևանքները. Ծնողնե՛ր, զգոն եղեք

Հնդիկ կանանց սիրելի հինայի դաջվածքները լայն տարածում են գտել ամբողջ աշխարհում:

Մարդկանց միշտ էլ գրավում են ինտրիգային նմուշներն ու գույները, սակայն դրանք միշտ չէ, որ ունենում են լավ հետևանքներ, մասնավորապես, երբ նման փորձարկումներ անում են մանկահասակ երեխաները, որոնց մաշկը բավական զգայուն է:

Oragir.live-ը ձեր ուշադրությանն է ներկայացնում նման մի դեպք, երբ հինայով «անմեղ» դաջվածքը ունեցավ շատ ծանր հետևանքներ:

Ամերիկաբնակ 9 և 5-ամյա երեխաներ որոշեցին հինայի դաջվածք անել իրենց ձեռքերին: Երեխաներից մեկը մաշկի վրա գրգռվածություն զգաց և արագ վերացրեց հինայի հետքերը, սակայն մյուս երեխան թողեց այն:

Որոշ ժամանակ անց հինայի հետքերը սկսեցին փքվել և երեխան մաշկի վրա սուր այրոցներ զգաց: Ծնողները լրջորեն անհանգստացան և նրան տարան շատ ու շատ տարբեր մասնագետների մոտ, որոնք պարզեցին, որ մարմինը պայքարում է քիմիական այրվածքի դեմ:

Երեխայի վիճակն այնքան էր վատացել, որ վիրահատական միջամտության կարիք եղավ, և նա ստիպված էր 6 ամիս հատուկ ձեռնոց կրել: Այժմ փոքրիկի մաշկն ամբողջովին սպիապատ է:

Oragir.live-ը հորդորում է բոլոր ծնողներին լինել շատ ուշադիր երեխաների նկատմամբ, և տուրք չտալ նրանց բոլոր քմահաճույքներին, քանզի դրանք միշտ չէ, որ լավ ավարտ են ունենում: