Ոստիկանությունը չպետք է պատերի տակով թաքուն ման գա. ոստիկանությունը պետք է լինի դուխով եւ կոշտ. Փաշինյանը բարկացավ

Որքան եք իրավաչափ համարում, որ ոստիկանն ու քաղաքացիական հագուստով քաղաքացին Սպիտակում բերման են ենթարկում կնոջը, երբ նա դիմակով է: Այս մասին, այսօր՝ հունիսի 12-ին, ԱԺ-ում արտակարգ դրության ռեժիմը եւս մեկ ամսով երկարաձգելու հարցի քննարկման ժամանակ դիմելով ՀՀ վարչապետ Նիկոլ Փաշինյանին, հարց ուղղեց «Լուսավոր Հայաստանի» պատգամավոր Աննա Կոստանյանը՝ հավելելով, որ դրա վերաբերյալ տեսանյութ կա:

Ի պատասխան Նիկոլ Փաշինյանն ասաց. «Որքանով լուրջ կլինի, եթե հիմա ասեք՝ ինտերնետում մի տեսանյութ կա, սենց-սենց: Ես էլ ասեմ՝ գնահատում եմ՝ էսպես-էսպես:

Ես մի բան գիտեմ, որ մարդուն բերման ենթարկում են իրավական հիմքերի առկայության դեպքում: Եթե բերման են ենթարկել, իմ կանխավարկածն այն է, որ դրա համար ոունեցել են բավարար հիմքեր: Ես ասում եմ, որ ոստիկանությունը ՀՀ-ում չպետք է վախենա գործել: Ոստիկանությունը պետք է իր իրավասությունների սահմաններում գործի դուխով, գործի վստահ, բայց նաեւ օրինական: Տպավորություն է, որ ոստիկանությունը պետք է պատերի տակով թաքուն ման գա:

Ոչ, կանոնները խախտողներն ու հանցագործները պետք է պատերի տակով ման գան, եւ ոստիկանությունը պետք է լինի դուխով: Հերիք է, ոստիկանությունն ինչ անի, կարծես ոստիկանությունն էս երկրի թիվ մեկ թշնամին է: Ոչ, բեսպրեդելն ա էս երկրի թիվ մեկ թշնամին: Եվ այդ բեսպրեդելի մթնոլորտ տարածողները պետք է մտնեն իրենց ծակերը: Իսկ կոնկրետ դեպքում՝, դուք այդ տեսանյութը ինձ ուղարկեք: Այն ոստիկանը, որը ապօրինություն թույլ կտա, դրա հետ կապված գործողություններ կլինեն: Բայց իմ դիրքորոշումը այն է, որ ոստիկանությունը պետք է գործի դուժով, ուժեղ եւ լինի կոշտ: Ի՞նչ է նշանակում՝ ոստիկանն ասի դիմակ կրեք, հետը լեզվառիվ տան, հոխորտալ: Այո, պետք է բերման ենթարկվեն, որտեղ պետք է, պետք քէ ուժ կիրառվի: Կարծում եմ՝ այս երկու տարում ոստիկանությունը, ԱԱԾ-ն շատ քիչ են ուժ կիրառել ոմանց նկատմամբ եւ պետք է որոշ մարդկանց նկատմամբ այնքան ուժ կիրառեն, որ ծպտունները դուրս չգա ընդհանրապես»,-ընդգծեց Փաշինյանը:

Առավել մանրամասն`Այստեղ