2017 թ. համերգների մեկ քառորդը կազմակերպվել է գյուղերում. «Փաստ»

«Փաստ» օրաթերթը գրում է.

Համերգային 19 կազմակերպություններից ստացված վիճակագրական հաշվետվությունների ամփոփ տվյալների համաձայն, 2017թ. հանրապետության համերգային դահլիճներում կազմակերպված 770 համերգի ներկա է եղել 252 հազար 600 մարդ: Հանրապետության հազար բնակչի հաշվով հաճախումները կազմել են 84,8%: Այս մասին տեղեկանում ենք Ազգային վիճակագրական ծառայության պաշտոնական կայքում տեղ գտած համապատասխան հրապարակումից:

Համերգներից ստացված հասույթը կազմել է 132 միլիոն 500 հազար դրամ: Միջին հաշվով մեկ համերգի մուտքի վճարումներից հասույթը կազմել է 172 հազար դրամ: Արտերկրում կազմակերպված 54 համերգ–հյուրախաղերից 11–ը տեղի է ունեցել Եվրոպայում, 32–ը` ԱՊՀ երկրներում, 4–ը` Եգիպտոսում, 1–ական` Վրաստանում և Լիբանանում, 3–ը` ԱՄՆ–ում, 2–ը` Չինաստանում:

Նշված 19 համերգային կազմակերպություններից 13–ը տեղակայված են մայրաքաղաքում, երեքական էլ` Շիրակի և Լոռու մարզերում: Ընդ որում, Մշակույթի նախարարությանն են պատկանում միայն Երևանում գտնվող համերգային կազմակերպությունները, մնացածները ենթակա են բնակավայրերին:

Կազմակերպված համերգների մեծ մասը՝ 650–ը, տեղի են ունեցել դրանք կազմակերպող ընկերությունների ուժերով, իսկ 120–ը՝ այլ կազմակերպությունների հետ համատեղ: Ընդ որում, 770 համերգից 193–ը կազմակերպվել է գյուղերում, 134–ը՝ բարեգործական նպատակներով, 38–ը տեղի է ունեցել ըստ պատվերի, իսկ 44–ը ֆիլհարմոնիկ համերգներ են եղել:

Ե՛վ Լոռու, և՛ Շիրակի մարզերում 3–ական կազմակերպություններ են գործել ու զբաղվել համերգների անցկացմամբ, նշված մարզերում իրականացնելով համապատասխանաբար՝ 68 և 42 համերգ:

Վիճակագրության համաձայն՝ Երևանում, Շիրակի ու Լոռու մարզերում տեղի ունեցած մեկ ներկայացմանը միջինում ներկա է եղել համապատասխանաբար 317 հազար 500, 294 հազար 300 և 547 հազար 500 մարդ:

Այս բոլոր համերգներից ստացված հասույթը կազմել էր 132 միլիոն 458 հազար 900 դրամ, որից 127 միլիոն 815 հազար 400 դրամը ստացվել է մայրաքաղաքում կայացած համերգներից, 4 միլիոն 643 հազար դրամը Շիրակի մարզում տեղի ունեցած համերգներից, իսկ Լոռու մարզում անցկացված համերգներից հասույթ չի ստացվել:

Այս բոլոր համերգներն իրականացնելու համար ընդհանուր առմամբ անհրաժեշտ է եղել 2 միլիարդ 176 միլիոն դրամ, որից 1 միլիարդ 166 միլիոն դրամը հատկացվել է պետական բյուջեից, 243 միլիոնը՝ նվիրատվություններից, 97 միլիոնը՝ վարձակալություններից և այլն:

Միաժամանակ ծախսվել է 2 միլիարդ 200 միլիոն դրամ, որից 35 միլիոն 500 հազար դրամը նյութական ծախսերն են, 161 միլիոն 100 հազար դրամը՝ ոչ նյութական ծառայությունների վճարումներ են, 62 միլիոն 400 հազար դրամը՝ գործուղման ծախսեր, իսկ 4 միլիոն 200 հազար դրամը հիմնավերանորոգման, սարքավորումների և գույքի ձեռքբերման: Ամենից շատ գումար՝ 1 միլիարդ 782 միլիոն դրամ է ծախսվել աշխատավարձերի վճարման համար:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»