Կաթնաշոռային կուլիչ պատրաստելու լավագույն բաղադրատոմսը․ Շատ համեղ է և պարզ

Եթե ձեզ համար այս չափաբաժինը շատ է, ապա նվազեցրեք մթերքները կես չափով։

Բաղադրատոմսը կարող եք տեսնել ստորև։ Անպայման պատրաստեք այն և հաստատ չեք փոշմանի։

Բաղադրիչներ․

0,5 կգ․ յուղոտ կաթնաշոռ,
0,7 կգ շաքար,
4 հատ հավի ձու,
մոտ 4 բաժակ ալյուր,
0,3 կգ կարագ,
1 թեյի գդալ սոդա (հանգցրած),
ըստ ձեր ճաշակի չամիչ և վանիլին,
զարդարելու համար շաքարի փոշի և փոքրիկ գունավոր կոնֆետներ։
Պատրասման եղանակը․

Հարում ենք ձու+շաքարը 5 րոպե։ Ավելացնում ենք փափուկ կարագ։ Ավելացնում ենք կաթնաշոռ, որը պետք է 2 անգամ անցկացնել մաղի միջով։ Այնուհետև ավելացրեք 3 բաժակ ալյուր և վանիլ։ Խառնեք հարիչով։ Նորից ենք ավելացնում ալյուր՝ հունցելով ոչ շատ պինդ խմոր։

Հնարավոր է՝ ալյուրը ավելի քիչ հարկավոր լինի, քան նշված է բաղադրատոմսում։ Ավելացնում ենք մյուս բաղադրիչները։ Ամանը պատում ենք կարագով և տեղադրում ենք խմորը։ Թխում ենք 170 աստիճանի տակ մոտ մեկ ժամ։

Բարի ախորժակ։