Սխալմունքի պատճառով 31 տարի բանտ նստած տղամարդը այնտեղից դուրս է եկել միլիոնատեր դարձած

Բանտում սխալմամբ 31 տարի նստած ամերիկացին մեկ միլիոն դոլարի փոխհատուցում է ստացել։ Լոուրենս ՄակՔինիին՝ Թենեսի նահանգից, ազատ էին արձակել 2009 թվականին, երբ գործի վերաբերյալ նոր հանցանշաններ էին ի հայտ եկել։ Տղամարդու վրայից հանել էին բոլոր մեղադրանքները և որպես փոխհատուցում 75 դոլար վճարել։

Նա կրկին հնարավորություն է ստացել բողոքարկելու փոխհատուցման չափը ութ տարի անց՝ 2017 թվականի դեկտեմբերի 20-ին։

Նահանգի բողոքների ուսումնասիրման հանձնաժողովը մարտի 21–ին պարտավորվել է տղամարդուն փոխհատուցման առավելագույն գումարը վճարել, որը հասնում է քաղաքացուն սխալմամբ բանտարկելու դեպքում՝ մեկ միլիոն ԱՄՆ դոլար։

353 հազար դոլարը ՄակՔինիին անմիջապես են փոխանցելու, որպեսզի նա կարողանա վճարել փաստաբանի վարձը և մարել պարտքերը, իսկ մնացած 637 հազար դոլարը կբաժանեն ամսական վճարների՝ 3350 դոլարի չափով։ Պետությունը առնվազն տաս տարիների ընթացքում իրականացնելու է վճարումները, իսկ նրա մահվան դեպքում այս գումարը ստանալու են կինն ու երեխաները։