Հայ հայտնիներ,ովքեր առանց Ինստագրամի <<կյանք չունեն>>(Լուսանկարներ)

Հայկական շոու բիզնեսում կան հայտնիներ, որոնց առօրյայի անբաժան մասն են կազմում ինստագրամյան սթորիները: Նրանք առավորից մինչև երեկո լուսանկարներով ու տեսանյութերով կիսվում են իրենց հետևորդների հետ`hրապարակելով իրենց աշխատանքային օրը, հանգիստը, ժամանցը, նույնիսկ խոհանոցը: ShowBiz.am-ն առանձնացրել է այն 5 հայտնիներին, որոնք ամենից շատն են սիրում կիսվել իրենց առօրյայով ինստագրամյան սթորիներում:

Ալեքսանդր Բաբասյան

Դերասանի օրը անհնար է պատկերացնել առանց ինստագրամի: Նա շատ ակտիվ և մեծ սիրով հրապարակում է իր ընտանեկան հանգիստը, զբոսանքները կնոջ և որդու՝ Ալեքսանդրի հետ: Ալեքսանդրը նաև տեսանյութերով կիսվում է նկարահանման հրապարակից: Ներկայումս նա նկարահանվում է «Կայարան» հեռուստասերիալում: Դերասանին հետևողները վստահ գիտեն, թե նա ինչ մեծ ուշադրություն է դարձնում իր վարսերի խնամքին և գրեթե ամեն օր կիսվում իր տեսանյութերով գեղեցկության սրահից:

Աննա Թովմասյան

Արամեի կինը՝ Աննան, հայտնի է իր խոհանոցային տեսանյութերով: Շատ է սիրում պատրաստել, հատկապես՝ ամուսնու համար և դրանով իսկ գոհացնել նրան: Showbiz.am-ին նա վերջերս խոստովանել է, որ Արամեն միշտ գոհ է մնում իր պատրաստած բոլոր ուտեստներից: Այժմ նա ամբողջովին իրեն նվիրել է փոքրիկ Աննա-Մարիային, ում հետ զբոսանքի գնալիս, նույնպես, հրապարակում է լուսանկարներ և տեսանյութեր:

Սարգիս Գրիգորյան

Դերասանը, ակտիվ գործունեություն ծավալելով գործնական կյանքում, նկարահանվելով «Կարմիր բլուր» հեռուստասերիալում, չի անտեսում նաև ինստագրամյան իր հետևորդներին: Օրվա ընթացքում հաճախ կտնեսնենք նրա տեսանյութերն իր աղջիկների հետ, կամ էլ նկարահանումների ժամանակ արված լուսանկարները մյուս դերասանների ու դերասանուհիների հետ:

Մարինկա Խաչատրյան

Դերասանուհին ունի շատ եռուն կյանք: Օրը սկսում և ավարտում է նկարահանումներով: Նկարահանման հրապարակից հաճախ է կիսվում տեսանյութերով ՝ ցույց տալով իր աշխատանքային հագեցած օրն ու երբեմն նաև հոգնածությունը: Ընկերների հետ ակտիվ ժամանց նա շատ է սիրում անցկացնել և, այդ ժամանակ, անպայման, նրա ինստագրամում անպակաս են լինում երգելու ու պարելու տեսանյութերը: Մարինկան, ինչպես հայտնի է, ունի ընտրյալ, ում հետ այդքան էլ հաճախ չի երևում իր տեսանյութերում, այլ երբեմն-երբեմն:

Մերի Հակոբյան

Դերասանուհու ինստգրամյան էջում անպակաս են տեսանյութերը, որտեղ ցուցադրում է իր գեղեցկությունը, վարսերն ու հագուստը: Մերին պարբերաբար նկարահանվում է հեռուստասերիալներում և աշխատանքային գործընթացը, նույնպես, գաղտնի չի պահում իր հետևորդների համար: