Փոքրիկ գյուղի 80 բնակիչները մեկ գիշերվա ընթացքում միլիոնատեր դարձան. Տեղի էր ունեցել այն, ինչին դժվար է հավատալ (Ֆոտոշարք)

Անտոնիո Ֆերնանդեսը սովորական մարդ էր, ով ապրում էր աղքատ ընտանիքում և ջանասիրաբար աշխատում էր, որպեսզի մի կերպ գումար վաստակեր:

Մինչև 14 տարեկանը նա սովորել է դպրոցում, սակայն թողնելով ուսումը՝ նա սկսում է աշխատել դաշտում և օգնել ծնողներին:

Եվ թվում էր, թե ամեն ինչ այդպես էլ կշարունակվի, սակայն 32 տարեկանում 1949 թվականին նա մեկնում է Մեքսիկա: Այս հրաշալի երկրում նա ամուսնանում է, տեղավորվում աշխատանքի Grupo Modelo գարեջուր արտադրող ընկերությունում:

Գերազանց կատարած աշխատանքի շնորհիվ՝ Անտոնիոն սկսում է աստիճանաբար բարձրանալ կարիերայի աստիճաններով ընդհուպ մինչև այդ ընկերության թոփ մենեջեր:

Անտոնիոյին բոլորը սիրում և հարգում էին՝ կատարելով նրա հանձնարարությունները:

Շուտով Անտոնիոն այնպես է անում, որ նշյալ ընկերության գարեջուրը դառնում է համաշխարհային բրենդ, իսկ Անտոնիոն դառնում է ընկերության գլխավոր տնօրեն:

Այդ ընկերությունում նա աշխատում է մինչև 2005 թվականը, ապա հրաժարական տալիս:

Տարեց միլիարդատիրոջը գումարը չկուրացրեց: Նա շարունակում էր մնալ նույն համեստ ու մեծահոգի անձնավորությունը:

Հենց այս հատկանիշների շնորհիվ՝ Անտոնիոն իր ծննդավայրը հանդիսացող փոքրիկ գյուղին 200 մլն եվրո նվիրաբերեց: Քանի որ նա սեփական զավակները չուներ, ուստի նրա հարստությունը փոխանցվեց զարմիկին, իսկ նրա համագյուղացիները որպես նվեր ստացան 2 մլն եվրո: