Moody’s-ը վերահաստատել է IDBank-ի Ba3 վարկանիշը՝ կայուն հեռանկարով

Հեղինակավոր Moody’s Ratings միջազգային վարկանշային գործակալությունը վերահաստատել է IDBank-ի՝ ազգային արժույթով և արտարժույթով երկարաժամկետ բանկային ավանդների «Ba3» վարկանիշերը՝ կայուն հեռանկարով։ Moody's-ի կողմից հաստատվել են նաև Բանկի վարկունակության բազային գնահատականը (BCA) և ճշգրտված BCA-ն՝ ba3, ինչպես նաև Կոնտրագենտի երկարաժամկետ և կարճաժամկետ, ազգային արժույթով և արտարժույթով ռիսկի վարկանիշը (CRR)՝ Ba2 և Կոնտրագենտի երկարաժամկետ և կարճաժամկետ, ազգային արժույթով և արտարժույթով ռիսկի գնահատականը (CR Assessment) `Ba2։

Moody’s-ի զեկույցի համաձայն` IDBank-ի BCA-ի և ճշգրտված BCA-ի վերահաստատումը ba3 մակարդակում արտացոլում է բանկի կապիտալի և իրացվելիության ամուր բուֆերները։ Այն նաև վկայում է Բանկի ակտիվների որակի շարունակական բարելավման և գործունեության շահութաբերության մասին։ Վերջին չորս տարիների ընթացքում IDBank-ը զգալիորեն նվազեցրել է իր խնդրահարույց վարկերի մասնաբաժինը և բարելավել է պահուստավորման ծածկույթը։ Ըստ զեկույցի՝ կապիտալի բարձր համարժեքությունը շարունակում է մնալ IDBank-ի հիմնական ուժեղ կողմերից մեկը՝ ապահովելով բուֆեր անսպասելի կորուստների դեմ։ Բանկի նյութական ընդհանուր կապիտալ (TCE)/ռիսկով կշռված ակտիվներ (RWA) ցուցանիշը 2025թ. վերջում պահպանվել է ուժեղ մակարդակում՝ 21.1%՝ չնայած վարկային պորտֆելի արագ աճին (34%) և զգալի շահաբաժինների վճարումներին։

Միջազգային գործակալության կանխատեսումների համաձայն՝ IDBank-ն առաջիկա 12-18 ամիսներին կպահպանի իր ամուր ֆինանսական դիրքերը, բարձր շահութաբերությունն ու կայունությունը հայաստանյան բանկային համակարգում։

Նշենք, որ IDBank-ի երկարաժամկետ բանկային ավանդների վարկանիշները և վարկունակության բազային գնահատականը (BCA) գտնվում են նույն մակարդակում, ինչ ՀՀ սուվերեն թողարկողի վարկանիշն է։

ԲԱՆԿԸ ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ