Հայաստանում կխստացվի վարորդական իրավունքից զրկելու գործընթացը
Տրանսպորտային միջոց վարելու սահմանափակումների առկայության դեպքում տեղեկատվությունը «Արմեդ» համակարգից ավտոմատ կերպով կփոխանցվի ՆԳՆ էլեկտրոնային ռեգիստր, ինչը հիմք կհանդիսանա վարորդական իրավունքի դադարեցման համար։ Այս մասին փետրվարի 10-ին խորհրդարանի հերթական նիստում «Ճանապարհային երթևեկության անվտանգության ապահովման մասին» օրենքում փոփոխություններ և լրացումներ կատարելու մասին օրինագծի երկրորդ ընթերցմամբ քննարկման ժամանակ հայտարարել է Ներքին գործերի նախարարի տեղակալ Արմեն Ղազարյանը։
Նա հիշեցրել է, որ ներկայումս վարորդական իրավունքի գործողության դադարեցումն իրականացվում է մի շարք հիմքերի առկայության դեպքում՝ տիրոջ մահվան, անձին անգործունակ ճանաչելու, ավտոմեքենա վարելու իրավունքից զրկելու մասին դատական ակտի ուժի մեջ մտնելու, ինչպես նաև համապատասխան բժշկական մարմնի տրամադրած եզրակացության հիման վրա նրա թմրամոլության և հոգեկան անկայուն վիճակի դեպքում։
Ղազարյանը հավելել է, որ օրինագծով առաջարկվում է բժշկական մարմնի եզրակացությունը փոխարինել էլեկտրոնային տեղեկատվությամբ, որը կտրամադրվի Առողջապահության նախարարության կողմից։ Նա հայտնել է, որ վերջին չորս տարիների ընթացքում այս խախտման հիմքով 2370 վարորդ զրկվել է իրավունքից։
ԱԺ պաշտպանության և անվտանգության հարցերի մշտական հանձնաժողովի նախագահ, «Քաղաքացիական պայմանագիր» խմբակցության պատգամավոր Անդրանիկ Քոչարյանն իր հերթին կոչ է արելմշակել ավելի խիստ պատժամիջոցներ՝ ղեկին հեռախոսով խոսելու, ինչպես նաև երեխաներին տեղափոխելիս հատուկ նստատեղերի (մանկական աթոռակների) բացակայության համար։
Թուրքիայում զինվшծ անձը hարձակվել է դպրոցի վրա. կա 16 վիրավnր
Սպասվում են ճակատագրական ընտրություններ. հող տալով, ազգը չի կարա լավ ապրի. Արշակ Կարապետյան
Արշակ Կարապետյանի ուղերձը` եզդիական համայնքի Մալակի Տաուսե տոնին
«Ուժեղ Հայաստան Սամվել Կարապետյանի հետ» դաշինքի հանրահավաքին ներկա է եղել շուրջ 40,000 մարդ
Իշխանության միակ զենքը քվեների փոշիացումն է մնացել
«Հայ վիրտուոզներ» ծրագրի կրթաթոշակառուների և «Ծնվել եմ Արցախում» ծրագրի մասնակիցները հանդիպեցին աշխա...
«Զոնտիկ»․ իրական և աղմկահարույց պատմության հիման վրա նկարահանված ֆիլմի պրեմիերան
Երեկ «Առաջարկ Հայաստանին» ծրագրի շնորհանդեսի ժամանակ ականատես եղանք համընդհանուր ոգևորության ու բացա...
Ինչ ենք բերում գյուղատնտեսության մեջ. Հրայր Կամենդատյան
Մի գործարանատիրոջ ու Գոհար Ղումաշյանի զրույցն է դիտվել որպես ընտրակաշառքի խոստում. Մամիկոն Ասլանյան
