«Աթենք»-ի հովանավորությամբ Ագրարային համալսարանում բացվեց ամբողջությամբ վերանորոգված և կահավորված նոր լսարան
Ուսանողների միջազգային օրը Հայաստանի ազգային ագրարային համալսարանում բացվեց բրենդավորված նոր լսարան, որն ամբողջությամբ վերանորոգվել և կահավորվել է մսամթերքի ոլորտում բացարձակ առաջատար «Աթենք» ընկերության հովանավորությամբ։ Լսարանը համալրվել է նաև ժամանակակից կրթական գործընթացի համար անհրաժեշտ բոլոր սարքավորումներով։
«Ուզում եմ արձանագրել, որ համալսարանի գործընկերների թիվը ավելացավ ևս մեկով: Շնորհակալություն ենք հայտնում «Աթենք»-ին այս համագործակցության համար: Այն կարևոր քայլ է, ուսանողների համար ստեղծվել է ավելի գրավիչ, հարմար և գործնական միջավայր: Ուսանողը համոզվում է, որ ագրարային համալսարանի դերակատարումը կարևորում են ոչ միայն համալսարանի աշխատակիցները, այլև բազմաթիվ գործընկերներ, որոնց համար մեր բուհը հուսալի կադրերի մատակարար է»,- լսարանի բացման արարողության ժամանակ հայտարարեց Հայաստանի ազգային ագրարային համալսարանի ռեկտոր Հրաչյա Զաքոյանը:
«Աթենք» ընկերությունում վստահ են, որ որակյալ արտադրանքի հիմքում բարձրորակ կրթությունն է։ Ընկերության PR բաժնի ղեկավար Մարիամ Ղարդյանը նշեց, որ այս նախաձեռնությունն ավելին է, քան բարեգործությունը. «Սա ոչ միայն բարեգործական քայլ է, այլ ռազմավարական ներդրում կրթության և ապագա մասնագետների զարգացման գործում։ Լսարանը նաև հնարավորություն կտա մեր ընկերության արժեքները ներկայացնել ուսանողներին և ցույց տալ «Աթենք»֊ի աշխատանքային միջավայրը»։
Նոր լսարանի բացումը հաստատում է կրթության և արտադրության միջև համագործակցության խորացմանն ուղղված «Աթենք»-ի երկարաժամկետ տեսալականը: «Աթենք»-ի՝ գործատուի բրենդավորման պատասխանատու Լենա Աբրահամյանն ընդգծեց, որ համագործակցությունը չի սահմանափակվելու միայն լսարանի վերանորոգմամբ.«2025 թվականին պայմանագիր ունենք համալսարանի հետ, որի շրջանակում պատրաստակամ ենք ընդունել պրակտիկանտներ մեր արտադրական համալիրում, կազմակերպել շրջայցեր։ Հընթացս կձևավորենք համագործակցության այլ ձևաչափեր ևս, որոնք առավել արդյունավետ կլինեն բուհի համար»։
«Աթենք»-ում տարիներ շարունակ աշխատող, այժմ ընկերության երշիկի արտադրության տնօրեն Նարինե Երիցյանը, որը նույնպես Ագրարային համալսարանի նախկին ուսանող է, շեշտեց. «Գիտելիքն այն հիմքն է, որի վրա ստեղծվում է որակյալ արտադրանքը։ Արտադրական պրոցեսում այն նույնքան կարևոր է, որքան հումքն ու տեխնոլոգիաները»։
«Աթենք»-ի ներդրումները պարզապես բիզնես նախաձեռնություններ չեն։ Գետամեջի նոր գործարանը, կրթական նախագծերը և մյուս ծրագրերը հաստատում են բրենդի հավատը, որ Հայաստանում ստեղծվող արտադրանքը կարող է լինել մրցունակ, որակյալ ու միջազգային չափանիշներին համապատասխան։ Իսկ նոր լսարանը ոչ միայն սիմվոլիկ, այլ ռազմավարական նշանակություն ունի․ այն դառնում է կրթության ու արտադրության նոր հանգրվան, որտեղ կձևավորվեն ոլորտի ապագա մասնագետները։
Ucom-ն ընդլայնում է միջազգային ռոումինգի հնարավորությունները
Աստված պահապան մեր հրաշք Հայաստանի Հանրապետությանը. Ուժեղ Հայաստան վստահաբար ունենալու ենք. Արամ Վար...
Առանց հանքարդյունաբերության տեխնոլոգիական առաջընթացն անհնար է․ Վարդան Ջհանյան
Սաուդյան Արաբիան, Թուրքիան և Պակիստանը համատեղ պաշտպանության մասին համաձայնագիր են կնքել. Արտակ Զաքա...
Մենք չենք տրվելու թուրք-ադրբեջանական պարտադրանքին. Ավետիք Չալաբյան
Օդի ջերմաստիճանը կնվազի․եղանակն՝ առաջիկա օրերին
Ազատազրկումը՝ որպես քաղաքական գործիք. Ավետիք Չալաբյանի գործը և մարդու իրավունքների ճգնաժամը
Անհավասարակշռության և նոր կախվածության վտանգները. «Փաստ»
Դատական նիստից հետո Մայր Տաճարում Վեհափառ Հայրապետը աղոթք է հնչեցնում ժողովրդի հետ
Վարչախմբի համար քաղաքական խնդիրները լուծվում են միայն վախի առկայությամբ. Անահիտ Ադամյան
