Սեպտեմբերի 13-ին Կողբում տեղի կունենա «Septemberfest» մրգօղու փառատոնը

Վաղը՝ սեպտեմբերի 13-ին, Տավուշի մարզի Կողբ գյուղում կանցկացվի սպասված մրգօղու փառատոնը՝ «Septemberfest 2025», որը կմեկնարկի ժամը 11:00-ին և կշարունակվի մինչև ուշ երեկո։ Փառատոնին կմասնակցեն հյուրեր Հայաստանի տարբեր մարզերից, ինչպես նաև Վրաստանից։

«Septemberfest»-ը համատեղում է հայկական մշակույթը, գաստրոնոմիան և Տավուշի բնության անզուգական գեղեցկությունը։ Այցելուներին սպասվում է հագեցած ու բազմազան ծրագիր․

• Մրգօղիների և ավանդական ուտեստների համտես Հայաստանի տարբեր մարզերից
• Մասնակցություն օղու թորման գործընթացին
• Ավանդական արհեստների ու ազգագրական պարերի ներկայացում
• Համերգային ծրագիր կենդանի երաժշտությամբ
• Հետաքրքիր մրցույթներ՝ նարդի, բլոտ և այլ խաղերում

«Septemberfest»-ը ոչ միայն փառատոն է, այլև հարթակ՝ ընկերությունների և համայնքների համար միասին անցկացնելու անմոռանալի օր՝ ոչ ֆորմալ միջավայրում։ Միջոցառման բազմազան ծրագրերը նպաստում են թիմային ոգու ձևավորմանը և դրական էներգիայով լիցքավորմանը։

Լրացուցիչ տեղեկությունների և մամուլի հարցերի համար․

• Մարի Մուրադյան – +374 98 350778
• Աշոտ Բարսեղյան – +374 95 555060
• Էլ. հասցե՝ [email protected]

Միացե՛ք մեզ Կողբում՝ միասին վայելելու հայկական հյուրասիրությունը, համտեսելու լավագույն մրգօղիները և անցկացնելու տոնական, մշակութային ու երաժշտական լիարժեք օր։

«Septemberfest» կազմակերպչական թիմ