Սամվել Կարապետյանի մեկուսացումը վատ հետևանքներ է ունենալու Փաշինյանի համար
Բարերար, գործարար Սամվել Կարապետյանի կալանավորումը Փաշինյանի իշխանությանը քիչ է թվացել, այժմ էլ փորձում են հնարավոր բոլոր միջոցներով ճնշել և ահաբեկել թե՛ Կարապետյանին, թե՛ նրա կողմնակիցներին։ Հիշեցնենք, ռուսաստանցի գործարարին տեղափոխել են «Արմավիր» քրեակատարողական հիմնարկ, որտեղ նա գտնվում է խիստ մեկուսացված պայմաններում։ Ըստ որոշ աղբյուրների, քննիչի որոշմամբ արգելվել են բոլոր տեսակցությունները, այդ թվում Կարապետյանի ընտանիքի անդամների հետ։ Միակ բացառությունը նրա փաստաբանն է, որը կարողանում է հանդիպել Կարապետյանի հետ։
Իշխանությունների այս գործողություններն, իհարկե, ծիծաղելի են։ Կարապետյանին էլ ահաբեկելը չափազանց բարդ է լինելու նրանց համար։ Ավելին, ինքը՝ Կարապետյանը փաստաբանական թիմի միջոցով հանդես է եկել հայտարարությամբ, նշել, թե իր աչքերով է տեսել իր իսկ մեղադրանքն ակնհայտ ստիպողաբար առաջադրած քննիչի հուզված վիճակը, կալանավորելու որոշումը հրապարակելուց հետո, փորձառու դատախազի անմխիթար վիճակը ողջ դատավարության ընթացքում։ «Եվ վերջապես, իմ աչքերով տեսա կոտրված դատավորի կեցվածքը, ով դատավարության ընթացքում իբր զարմանքով, տեղ-տեղ արհամարհանքով ունկնդրում էր քննիչի և դատախազի բերած ապօրինի մեղադրանքը ու սնանկ փաստարկները՝ դրանով փորձելով դրսևորել կարծես անկողմնակալ, անկախ վարքագիծ, այնուհետև 4 ժամ խորհրդակցական սենյակում գտնվելուց հետո ցույց տվեց, որ կախյալ է և անզոր»,-նշել է Կարապետյանը։
«Բայց ոչինչ, շուտով դատարաններն անկախ են լինելու, պայքարելու ենք»,- ասված է նրա ուղերձում։ Փաստացի, որքան էլ Հայաստանի գործող իշխանությունները փորձեն, տեսակցություններն արգելելով, Կարապետյանին մեկուսացման մեջ պահելով, շարունակել իրենց ռեպրեսիվ գործողությունները, ակնհայտ է, որ գնացքն այլևս գնացել է, իսկ Փաշինյանի համար, «ծանր օրերը» առջևում են։
Լալա Եսայան
Самолет НАТО провел разведку над Черным морем у границ Украины
Европейские лидеры поддержат Пашиняна с оговорками или не станут бороться за его рейтинг? «Паст»
Тяжелые последствия «авантюризма»: разве мы представляем себе такое «будущее»? «Паст»
CNN: Иран просит США смягчить санкции и разморозить активы
При поддержке Ucom сообщество ArmDrone проводит бесплатные курсы по FPV-дронам
Прямое указание? Почему власти в замешательстве? «Паст»
Ходят по домам и расспрашивают: «Паст»
Эдмон Марукян пояснил собственное заявление на съезде партии «Светлая Армения»
Честолюбивый Гюмри снова отверг Пашиняна: «Паст»
Какие партии проведут предвыборный съезд в ближайшие дни? «Паст»
