Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է գիտաժողովի մասնակիցներին
Հոկտեմբերի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունել է հոկտեմբերի 19-ին ՀՀ Գիտությունների ազգային ակադեմիայում մեկնարկած «Հայաստանը և տարածաշրջանը. դասեր, արժևորումներ, հեռանկարներ» խորագրով միջազգային գիտաժողովի մասնակիցներին՝ ուղեկցությամբ ՀՅԴ Բյուրոյի ներկայացուցիչ, Հայ Դատի կենտրոնական խորհրդի նախագահ Հակոբ Տեր-Խաչատրյանի։ Այս մասին հայտնում են Մայր աթոռից։
Ներկայացնելով գիտաժողովի մասնակիցներին՝ տիար Հակոբ Տեր-Խաչատրյանը շնորհակալություն է հայտնել Նորին Արբությանն ընդունելության համար։
Ամենայն Հայոց Հայրապետը, ողջունելով հյուրերին, կարևոր է համարել նման միջազգային գիտաժողովների անցկացումը։ Հայոց Հովվապետը հույս է հայտնել, որ գիտաժողովի մասնակիցների զեկույցներն ու քննարկումներն իրենց օգտակարությունը կունենան հայ ժողովրդի պատմության դժվարին այդ ժամանակաշրջանի ուսումնասիրության և խնդիրների արծարծման առումով։
Անդրադառնալով մեկ դար առաջ հայրենիքում տիրող ծանր և բարդ իրավիճակին՝ Նորին Սրբությունը վստահությամբ ընդգծել է, որ հայ ժողովուրդն իր հավատքի ու լավատեսական ոգու շնորհիվ այսօր ևս կկարողանա հաղթահարել առկա բոլոր դժվարություններն ու փորձությունները՝ կերտելով գալիք սերունդների համար ապահով, խաղաղ և բարօր երկիր։
Հանդիպմանը Գարեգին Երկրորդ Ամենայն Հայոց Կաթողիկոսը անդրադարձել է նաև վերջերս Հռոմ (Իտալիա) և Մոսկվա (ՌԴ) կատարած իր այցելություններին, որոնց ընթացքում արծարծվել են արցախյան պատերազմի հետևանքով առաջացած մատահրավերները և մեր ժողովրդին հուզող խնդիրները, մասնավորապես Ադրբեջանում պահվող գերիների վերադարձի, ՀՀ սահմանների նկատմամբ ոտնձգությունների և Ադրբեջանի վերահսկողության տակ հայտնված տարածքներում հայկական հոգևոր-մշակութային ժառանգության պահպանության վերաբերյալ հարցեր։
Վերջում Հայոց Հայրապետը պատասխանել է գիտաժողովի մասնակիցների հարցերին Քույր Եկեղեցիների հետ ձևավորված սերտ գործակցության և Մայր Աթոռի կողմից Արցախի հոգևոր ու պատմամշակութային արժեքների պահպանության ուղղությամբ տարվող աշխատանքների վերաբերյալ։
Զառա Արամյանը սրտի խնդիրների պատճառով տեղափոխվել է «Բեսթ Լայֆ» ԲԿ-ի վերակենդանացման բաժանմունք
Հայաստանը` ցնցումների շեմին. կգնա՞ Փաշինյանը դիտավորյալ «կոնֆրոնտացիայի». «Փաստ»
Բնապահպանական ռիսկերի կառավարմամբ ԶՊՄԿ-ն կհամապատասխանի միջազգային չափանիշներին. Արմեն Ստեփանյան
Հերացու անվան 1-ին համալսարանական հիվանդանոցի մոտ բախվել են «Kia»-ն ու «Opel»-ը. կան վիրավորներ
ՀՀՄ-ն Գյումրիում գրասենյակ բացեց
Փարիզի Աստվածամոր տաճարի դռները կվերաբացվեն 2024-ի վերջին. Փարիզի քաղաքապետ
Այժմ խոսքը Սահմանադրական դատարանինն է. «Փաստ»
«Միր» քարտերից հրաժարվելն առաջին հերթին հարվածել է թոշակառուներին
«Ապրելու ուժ տվեց Դավիթիս երազանքի իրականացումը՝ Դադիտան կառուցումը». Դավիթ Ուզունյանն անմահացել է հ...
Ինչպե՞ս հարվածել սեփական երկրի վարկանիշին. ԱԱԾ-ի ծառայողական քննությունը
