Գլխավոր Թոփ լուրեր Լրահոս Վիդեո Թրենդ

Գլխավոր դատախազը մանրամասներ է հայտնել Ղարաբաղում կռված 40 գրոհայինների մասին «Երրորդ ուժ»-ի երիտասարդները ծափողջյուններով հրաժեշտ են տվել Սերգեյ Լավրովին (տեսանյութ)Ներկայացվել է Տիգրան Արզաքանցյանի բարեգործական հիմնադրամի 18-ամյա պատմության մասին պատմող «Բարին կերտելիս» ֆիլմըՆախագահը հարգանքի տուրք է մատուցել Արկադի Տեր-Թադևոսյանի հիշատակին Ադրբեջանցիները կերուխում են կազմակերպել Դադիվանքի տարածքում/լուսանկար/ Այս հռչակագիրը կարևոր է ապագայում նման հանցագործությունների կանխարգելման տեսակետից․ԱԳՆ Լույս չի լինի Երևանում և 7 մարզում Քննչական կոմիտեն Անդրանիկ Մակարյանին ամիսներ առաջ մեղադրանք է առաջադրել ու մոռացել նրա մասին ԵՊՀ–ի գիտական խորհուրդը կդիմի ՄԻՊ–ին Կորսվածը վերականգնելու և երազածը ստանալու միայն մեկ ճանապարհ կա. այդ ճանապարհը «Հայրենիք»-ՀՀԿ միավորումն է. Արթուր ՎանեցյանՊառակտումը խորացնելու փոխարեն պետք է ընտրել համաձայնության վարչապետՉկա ոչ մի փաստաթուղթ, որում Հայաստանը կամ Ադրբեջանը պայմանավորվել են սահմանի բաժանման մասին․ Թաթոյան Հայ-ադրբեջանական սահմանի մասին․ ՊՆ Տիգրան Արզաքանցյանի շրջայցը ԳյումրիԹանկարժեք մետաղների գները նվազել են՝ բացառությամբ ոսկու․ NYMEX Առաջիկա տարիներին էապես մեծ է լինելու բանկային համակարգի դերը տնտեսության զարգացման և ուժեղ պետություն ունենալու հարցում. Մհեր ԱբրահամյանՄարդիկ աղքատ են, հացի ու դեղի կարիք ունեն, դրանից այն կողմ էլ ի՞նչ իրավունքների խախտում․ Տիգրան ՈւրիխանյանՆավթի գները նվազել են ՎՏԲ-Հայաստան Բանկն առաջարկում է վճարային քարտեր ուսանողներին Կառավարությունը հաստատել է պետական բարձրագույն ուսումնական հաստատությունների կառավարման խորհուրդների ձեւավորման կարգը փոփոխելու վերաբերյալ նախագիծըՎաղը ժամը տեղի է ունենալու դատավորների ընդհանուր ժողովըԵվրոպական ինդեքսներն աճել են «ԱԽ քարտուղարը կեղծ պնդումներ է արել ԱԹՍ-ների մասին»․ Աշոտյանը տեսանյութ է հրապարակելԵրբ գաղափարախոսությանը փոխարինում է շահը՝ փաթեթավորված տարբեր լոզունգներովՀասարակության մոտ թրքասերի պիտակը կրող Մարիա Կարապետյանը մեղադրում է ՄԻՊ-ինՊոպուլիզմի ժամանակն անցել է. Եկել է պատասխանատու լուծումներ առաջարկելու ժամանակըՊԱՏՄՈՒԹՅԱՆ ԱՅՍ ՕՐԸ (6 ՄԱՅԻՍԻ)․ Հա­յաս­տա­նում տե­ղի են ունե­ցել ընտ­րու­թյուն­ներ․ Լավրովը հայտնեց Հայաստանի հետ հուշագիր ստորագրելու մասին Տիգրան Արզաքանցյան. «Եթե համախմբվենք, կարող ենք մեր երկիրն այս աղետից դուրս բերել» «Լուսավոր Հայաստան» կուսակցությունը մշակել է հանրային համաձայնության հայտարարություն Նրա դեմքով խոսում է ոչ թե իրավապաշտպանը, այլ ձախողված վարչապետացուի աներձագը. Սուրեն Սուրենյանց Փաշինյանի վարչակազմը վախենում է իրապես սկզբունքային և հայրենասեր գործչից Ինչո՞ւ է աղմկում Վազգենի աներձագըԻրավական նոնսենս. ՊՆ գովասանագիր է տալիս, ԱԱԾ-ն մեղադրանք առաջադրում (տեսանյութ) Մեր տնտեսությունը հոգեվարքի մեջ է Հերթական մահն է գրանցվել AstraZeneca-ի «պատճառով» 25-ամյա կինը միանգամից ինը երեխա է լույս աշխարհ բերել Պատասխան չունենալու պատճառով պատասխանում եք կեղտոտ հոդվածներով և մանիպուլյացիաներով. Անի Սամսոնյանը` Նիկոլ ՓաշինյանինՄարտունու արկակոծված մարզադաշտը կվերաբացվի Լույս չի լինի Երևանում և 6 մարզում 2076 հա տարածք․ականազերծման աշխատանքները շարունակվում են Կարտոֆիլը հորերում մնում, փչանում է, քանի որ շատ ցածր գին են առաջարկում Որտե՞ղ եք մոլորեցնում հանրությանը. Ուրիխանյանը ՓաշինյանինԵրկնիշ տնտեսական աճի փոխարեն երկնիշ աճ են արձանագրում միայն գները․ ի՞նչ քայլեր է ձեռնարկում կառավարությունը գնաճը զսպելու ուղղությամբ․ Կարեն ՍիմոնյանԱրտահերթ ընտրություններին կմասնակցի ևս մեկ քաղաքական ուժ Ինչու՞ չեք հրապարակում այն քարտեզները, որոնցով սահմանազատում է իրականացվում. Աննա Կոստանյանը կառավարությանըՍարգսյանը հյուրընկալել է պատերազմում վիրավորված և բուժվող մի խումբ զինծառայողների ու նրանց հարազատներին/լուսանկարներ/ Զինծառայող Արտյոմ Մելքոնյանի մահվան դեպքի առթիվ ձերբակալվել է պարտադիր ժամկետային զինծառայող Հասարակությանը հավերժ ստել չեք կարող. կամ դուք ստում եք, կամ չեք տիրապետում իրավիճակին. Գորգիսյանը կառավարության անդամինԸնդդիմադիր պատգամավորն Էրդողանին գնդակահարելու ակնարկ է արել
Քաղաքականություն

«Կան ուժեր, որոնք պատերազմի ընթացքում փորձել են հարստանալ. Դավիթ Գալստյանի՝ կալանքի տակ մնալու շահագրգիռ կողմն իրենք են». «Փաստ»

«Փաստ» օրաթերթը գրում է

Երեք ամսվա ընթացքում մոտ 9 դատական ակտ ենք ունեցել, որոնք ընդհանրապես չեն արտացոլում իրականությունը: Այս մասին «Փաստի» հետ զրույցում ասաց զենքի մատակարարման չարաշահումների գործով մեղադրյալներ Դավիթ Գալստյանի և Արմեն Բաղդասարյանի պաշտպան Արմեն Հարությունյանը: Զենքի մատակարարման չարաշահումների գործով Դ. Գալստյանից (Պատրոն Դավիթ) բացի, կալանավորված է նաև նրա ընկերության տնօրեն Արմեն Բաղդասարյանը՝ Դ. Գալստյանի հորեղբոր որդին:

Պաշտպանը նշեց, որ այս ամբողջ ընթացքում իրենց կողմից ներկայացված բոլոր բողոքները մերժվել են դատարանների կողմից. «Ի սկզբանե, երբ ԱԱԾ-ն հաղորդագրություն տարածեց, բոլորիս համար անհասկանալի էր այն: Բայց մենք խորհրդակցեցինք Դավիթ Գալստյանի հետ, թե ինչ մարտավարություն պետք է ընտրենք, որովհետև հասկացել էինք, որ ԱԱԾ-ի հրապարակած տեղեկությունը կա՛մ չճշտված է, կա՛մ ոչ պրոֆեսիոնալիզմի արդյունք, կա՛մ հատուկ ուղղորդված: Ամեն դեպքում, որոշեցինք գործը քաղաքական, Դավիթ Գալստյանին էլ՝ քաղաքական բանտարկյալ չդարձնել ու պայքարել իրավական ճանապարհով: Երեք ամիս այդ տրամաբանության մեջ ունեցանք գրեթե տասը դատական ակտ, տարբեր միջնորդություններ ներկայացրեցինք: Երեք ամսվա ընթացքում մեղադրանքը հերքող հնարավոր և անհնար ամեն ինչ հավաքեցինք ու ներկայացրեցինք նախաքննության մարմին ու դատարաններին: Ցավոք, մենք դատարաններում չկարողացանք հասնել արդարադատության: Իմ խորին համոզմամբ, պատճառը դատավորի անաչառ ու անկախ չլինելն է: Դատարանները պարզապես խուսափեցին օբյեկտիվ իրականությունն արտացոլել դատական ակտերում՝ հասկանալով, որ դրա արդյունքում հնարավոր է ենթարկվեն այնպիսի հետապնդումների, այնպիսի պարսավանքի, որը մենք տեսնում ենք հատկապես վերջին շրջանում: Ես չեմ բացառում, որ նույն ԱԱԾ-ի աշխատակիցները կարող է և գնացած լինեն դատավորների աշխատասենյակներ և սպառնացած լինեն իրենց: Պարզապես խնդիրն այն է, որ եթե դատավորը, ճնշումներին զոհ գնալով, վերցնում ու այդ որոշումները կայացնում է, ըստ էության, հանցակից է դառնում այս ամենին»:

Նրա խոսքով, դատական ակտերը չեն բխում փաստաթղթային այն ամբողջ բազայից, որոնք ներկայացվել են այս ընթացքում. «Բոլոր դատական ակտերը, ըստ էության, խուսափողական են: Ես դրանք «էնքան որ ստորագրված դատական ակտեր» եմ որակում: Բոլոր դատավորներն իրենց որոշումներում թերացել են: Մենք սպառել ենք ներպետական բոլոր հնարավորությունները և մոտ օրերս բողոք ենք մուտքագրելու ՄԻԵԴ: Շատ եմ ցավում, բայց այսօր, ըստ էության, Դավիթ Գալստյանը արդարադատության հասնելու է Հայաստանից դուրս: Մենք ՄԻԵԴ-ում հիմնավորելու ենք բոլոր խախտումները, բարձրացնելու ենք դատավորների մակագրության հարցը: Երբ գործն արդեն կքննվի ՄԻԵԴ-ում և բոլոր խախտումները կբացահայտվեն, մենք հետևողական ենք լինելու, որ Դավիթ Գալստյանի և Արմեն Բաղդասարյանի մասով որոշումներ կայացրած բոլոր դատավորներն օրենքով սահմանված կարգով իրենց պատասխանատվությունը կրեն: Եթե կգտնենք, որ կան նաև արդարադատության դեմ ուղղված ինչ-որ հանցագործությունների հիմքեր կոնկրետ դատավորների մասով, միանշանակ հաղորդում է ներկայացվելու իրավապահ մարմիններին: Մենք հիմա հետաքննություն ենք անում, որոշակի հարցադրումներ ենք արել: Մենք Արմեն Բաղդասարյանի մասով սպառել ենք ներպետական բոլոր հնարավորությունները, իսկ ուրբաթ օրը Դավիթ Գալստյանի կալանքի ժամկետը երկու ամսով երկարացնելու դեմ ներկայացված վերաքննիչ բողոքի քննություն է լինելու: Դատավորը Սերգեյ Մարաբյանն է: Այս դատարանի նկատմամբ օբյեկտիվության ու անաչառության ակնկալիքները շատ մեծ են, բայց պետք է սպասել, տեսնել»:

Պաշտպանը հիշեցրեց ավելի վաղ Դ. Գալստյանի՝ ԱԱԾ հաղորդագրությունից հետո արված այն հայտարարությունը, որտեղ նա նշել էր շահագրգիռ կողմերի համար «պատերազմում մեղավորների ամենահարմար թեկնածուն» լինելու եզրահանգման մասին. «Այդ մտավախությունները մեզ մոտ գնալով ամրապնդվում են: Մենք կարծում ենք, որ այս ամբողջ գործընթացների հետևում կանգնած են մարդիկ, ուժեր, որոնք ինչ-որ եղանակով կարողանում են ազդել իրավապահ կամ դատական համակարգի վրա: Ենթադրում եմ, որ այդ մարդիկ նաև որոշակի իշխանական լիազորություններ ունեցող մարդիկ են»:

Պաշտպանը նշեց, որ Դավիթ Գալստյանն անգնահատելի ծառայություն է մատուցել այս պատերազմի ժամանակ. «Թեպետ Դավիթ Գալստյանը հրապարակային այդ մասին չի խոսում, բայց մենք պատրաստ ենք խոսել, ասել, թե ինչ է արել Դավիթ Գալստյանը պատերազմի ժամանակ՝ տոտալ շրջափակման պայմաններում, երբ ՀՀ-ում զենք տեղափոխելու խնդիր կար: Պատերազմի ընթացքում նաև որևէ գումար չի աշխատել, հնարավորության դեպքում բոլոր մատակարարումներն ինքնարժեքով է արել: Բացի այդ, ինքն անձամբ գումարներ է նվիրաբերել ու տարբեր խնդիրներ է լուծել: Մամուլում արդեն գրվել է նաև սեփական միջոցներով ինքնաթիռներ գնելու մասին, որոնք հետագայում շատ կարևոր հարցեր են լուծել: Սրանք փաստեր են, որոնք հիմնավորելու կարիք չկա: Այն մարդը, որն այսքան բան է կարողանում անել, խարդախ լինել չի կարող: Կան ուժեր, որոնք այս պատերազմի ընթացքում փորձել են փող աշխատել, և պարզապես հարստանալ պատերազմի ընթացքում:

Մենք մեր հետաքննությունն ենք սկսել, ուսումնասիրությունների մեջ ենք: Եղել են դեպքեր, երբ քառակի, եռակի, 8 անգամ ավելի գնով մատակարարումներ է առաջարկվել, բայց Դավիթ Գալստյանն 8 անգամ ավելի էժան գնով է մատակարարել:Հաշվի առնելով, որ Դ. Գալստյանն ավելի էժան գնով մատակարարելու հնարավորություններ ուներ, և իրենց փող աշխատելը չի ստացվել, մենք կարծում ենք, որ հենց այդ մարդիկ են կանգնած այս ամենի հետևում: Դ. Գալստյանն ի չիք դարձրեց իրենց երազանքները, և այսօր Դավիթ Գալստյանի՝ կալանքի տակ մնալու շահագրգիռ կողմերն իրենք են: Թշնամի պետության ղեկավարն է խոսում այն մասին, թե ինչ է արել Դ. Գալստյանը պատերազմի ժամանակ: Ալիևն ասում է, թե Դավիթ Գալստյանն ինչպես է պատերազմի ժամանակ, իր խոսքերով, տարբեր զարտուղի ճանապարհներով ՀՀ զենք տեղափոխել: Իհարկե, Ադրբեջանը դա ներկայացնում է այնպես, թե իբրև այդ ամենն ապօրինի կերպով է իրականացրել:

Ասում է՝ զենք է առել, բերել: Ես չեմ ուզում մեկնաբանել Ալիևի ասածները, հերքել կամ հաստատել որևէ բան, բայց փաստն այն է, որ այդ մարդը խոսում է այդ մասին: Հատկապես ԱԱԾ-ում շատ լավ են պատկերացնում, թե ինչի մասին է խոսել Ալիևը: Եվ այս պայմաններում Դավիթ Գալստյանի նկատմամբ նման վերաբերմունքը, մեղմ ասած, տարակուսանք է առաջացնում»:

Աննա Բադալյան

Մանրամասները՝ «Փաստ» օրաթերթի այսօրվա համարում