Ուժեղ պետություն հնարավոր է կառուցել միայն համախմբված հասարակության և պրոֆեսիոնալ կառավարման միջոցով. Նարեկ Մանթաշյան
Ինչու՞ ընտրել «Հայաստան» Դաշինք 3
Այսօր մեր երկրի առաջ կանգնած են լուրջ մարտահրավերներ՝ անվտանգությունից մինչև տնտեսական կայունություն։ Բայց կա ևս մեկ խորքային խնդիր՝ հասարակության ներսում ձևավորված պառակտվածությունը, որը թուլացնում է մեզ որպես պետություն։
Ինչո՞ւ ընտրել «Հայաստան» դաշինքը։ Որովհետև այս փուլում երկրի առաջընթացի հիմքում պետք է լինի հանրային համերաշխության վերականգնումը։ Պետք է դուրս գալ արհեստական բաժանումներից և վերականգնել փոխադարձ հարգանքը, վստահությունն ու միասնականությունը։
Վերջին տարիներին հաճախ ականատես ենք լինում, թե ինչպես են պրոֆեսիոնալ և փորձառու կադրերը դուրս մղվում պետական համակարգից՝ քաղաքականացված որոշումների արդյունքում։ Սա վնասում է պետության արդյունավետ կառավարմանը։ «Հայաստան» դաշինքը առաջարկում է հստակ մոտեցում՝ պետական կառավարման հիմքում պետք է լինեն գիտելիքը, փորձը և պրոֆեսիոնալիզմը, ոչ թե քաղաքական պատկանելությունը։
Պատահական չէ, որ հենց Ռոբերտ Քոչարյանի նախագահության տարիներին ներդրվեց քաղաքացիական ծառայության ինստիտուտը, որի նպատակը պետական համակարգը քաղաքական ազդեցություններից առավել անկախ դարձնելն էր։ Սա կայուն և արդյունավետ պետության կարևոր հիմքերից է։
Միևնույն ժամանակ, երկրում պետք է հաստատվի պատասխանատվության մթնոլորտ։ Բոլոր այն քաղաքական որոշումներ կայացնողները, ովքեր իրենց քայլերով երկիրը հասցրել են այս վիճակին, պետք է պատասխան տան օրենքի առաջ՝ իրավական, արդար և թափանցիկ գործընթացների միջոցով։ Սա արդարության վերականգնման անհրաժեշտ պայման է։
Ուժեղ պետություն հնարավոր է կառուցել միայն համախմբված հասարակության և պրոֆեսիոնալ կառավարման միջոցով։ Եթե քեզ համար կարևոր են անվտանգությունը, արդարությունը և կայուն զարգացումը, ապա ընտրությունը ակնհայտ է։
Ընտրություննե՞ր, թե՞ հանրաքվե
«Ուժեղ Հայաստան» կուսակցության քարոզարշավը․ ուղիղ
Սամվել Կարապետյանի տարիների գործը՝ հանուն Հայաստանի ընտանիքների
«Յունիսպորտ» ակումբը դուրս եկավ Ֆուտզալի Հայաստանի Գավաթի և Հայաստանի Բարձրագույն խմբի եզրափակիչներ ...
Խոստումների ու իրականության միջև՝ Հայաստանի սոցիալական ճգնաժամը
Շենգավիթցիները հյուրասիրությամբ ընդունեցին Ուժեղ Հայաստան դաշինքին, ի դեմ Նարեկ Կարապետյանի
Ճամփորդության պլանավորում զրոյից. խորհուրդներ IDBank-ից
«Ուժեղ Հայաստան» կուսակցության ուղիղ եթերը Գավառից
«ԵՄ անդամակցության և դեպի Եվրոպական միություն արտահանման թեման բացարձակ սուտ է, կեղծիք». «Փաստ»
Թոշակի բարձրացումը՝ կաշա՞ռք. Հարցում
