Համախմբված պայքարենք իշխանության ամենաթողության դեմ գործով, ոչ միայն խոսքով. Արթուր Վանեցյան

Ի պատասխան դատարանի այսօրվա որոշման՝ Նարեկ Սամսոնյանը հացադուլ հայտարարեց, որը, թեև ինձ համար խիստ մտահոգիչ, բայց, վստահ եմ՝ գիտակցված քայլ է։ Ոգու արիություն, տոկունություն ու առողջություն եմ մաղթում տղաներին։ Իսկ քաղաքական դաշտի մեր գործընկերներին, քաղաքական ուժերի ներկայացուցիչներին, Հայաստանի ապագայով մտահոգ քաղաքացիներին հորդորում եմ զգոն ու հետևողական լինել այս գործընթացների նկատմամբ։ Անկախ նրանից, թե ովքեր են հայտնվել իշխանությունների թիրախում, թե ինչ վերաբերմունք ունենք նրանց նկատմամբ, պիտի համախմբված կերպով պայքարենք իշխանությունների կամայականության ու իրավական ամենաթողության դեմ, ընդ որում՝ պայքարենք գործով և ոչ միայն խոսքով ու հայտարարություններով։