Գերմանիայի իշխանությունները ոստիկաններին թույլ կտան անօդաչու թռչող սարքեր խոցել
Գերմանիան ոստիկանությանը լիազորություններ կտրամադրի՝ ապօրինի-դրոնները խոցելու համար։ Կտրամադրվի այն դրոնների համար, որոնք նման են Եվրոպայում օդանավակայանների աշխատանքը խաթարողներին և որոնք եվրոպական որոշ առաջնորդներ կապում են «Ռուսաստանի կողմից սանձազերծված հիբրիդային պատերազմի» հետ, հայտնում է Reuters-ը։
Չորեքշաբթի օրը կաբինետի կողմից համաձայնեցված և խորհրդարանի հաստատմանը սպասող նոր օրենքը ոստիկանությանը հստակորեն լիազորում է ոչնչացնել Գերմանիայի օդային տարածքը խախտող անօդաչու թռչող սարքերը, այդ թվում՝ խոցել դրանք սուր սպառնալիքի կամ լուրջ վնասի դեպքում։
Անօդաչու թռչող սարքերը ոչնչացնելու համար հասանելի այլ մեթոդներից են լազերների կիրառումը կամ ազդանշանների խլացումը՝ կառավարման և նավիգացիոն ալիքները խզելու համար։ Նոր օրենքն ընդունվել է այն բանից հետո, երբ անցյալ ուրբաթ Մյունխենի օդանավակայանում՝ Գերմանիայի մեծությամբ երկրորդ օդանավակայանում, տասնյակ չվերթներ փոխել են ուղղությունը կամ չեղարկվել են, ինչի հետևանքով 10,000-ից ավելի ուղևոր հայտնվել է դժվար կացության մեջ՝ խախտումներ կատարող անօդաչու թռչող սարքերի հայտնաբերման պատճառով։
Գերմանիայի կանցլեր Ֆրիդրիխ Մերցը հայտարարել է, որ, ըստ իր կասկածների, անցյալ շաբաթավերջին Գերմանիայի վրայով թռած բազմաթիվ անօդաչու թռչող սարքերի ետևում Ռուսաստանն է եղել, սակայն դրանցից ոչ մեկը զինված չի եղել և ավելի շուտ հետախուզական թռիչքներ է իրականացրել։
ԵՄ առաջնորդները Ռուսաստանին իրենց մայրցամաքի անվտանգության համար գլխավոր սպառնալիք են համարում՝ 2022 թվականին Մոսկվայի կողմից Ուկրաինա լայնածավալ ներխուժումից և Կիևին ցուցաբերած աջակցությունից հետո։
Եվրոպական հանձնաժողովի նախագահ Ուրսուլա ֆոն դեր Լեյենը անցյալ ամիս կոչ է արել ստեղծել այն, ինչ նա անվանել է «դրոնների պատ»։ Դա իրենից ներկայացնում է սենսորների և զենքերի ցանց՝ ներխուժող անօդաչու թռչող սարքերը հայտնաբերելու, հետևելու և չեզոքացնելու համար։ Այն ներդրվելու է Եվրոպայի արևելյան թևը պաշտպանելու համար: Սակայն ոմանք ասում են, որ վերջին միջադեպերին մասնակցած անօդաչու թռչող սարքերը կարող են նաև արձակված լինել ԵՄ տարածքից:
Նոր օրենքի շնորհիվ Գերմանիան միանում է եվրոպական այն երկրներին, որոնք վերջերս անվտանգության ուժերին լիազորել են ոչնչացնել իրենց օդային տարածքը խախտող անօդաչու թռչող սարքերը, ներառյալ Մեծ Բրիտանիան, Ֆրանսիան, Լիտվան և Ռումինիան։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
