Վենեսուելան պատերազմի՞ է պատրաստվում ԱՄՆ-ի դեմ
Վենեսուելայի նախագահ Նիկոլաս Մադուրոն ստորագրել է հրամանագիր, որով երկրում արտակարգ դրություն է հայտարարվում ԱՄՆ-ի կողմից զինված հարձակման դեպքում։
Այս մասին հայտարարել է Բոլիվարյան Հանրապետության գործադիր փոխնախագահ Դելսի Ռոդրիգեսը՝ Ազգային ինքնիշխանության և խաղաղության խորհրդի և դիվանագիտական կորպուսի հանդիպման ժամանակ։
«Արտակարգ դրություն հայտարարելու հրամանագիրը նպատակ ունի պաշտպանել մեր հանրապետության տարածքային ամբողջականությունը, ինքնիշխանությունը, անկախությունը և կենսականորեն կարևոր ռազմավարական շահերը», - ասել է Ռոդրիգեսը Venezolana de Televisión հեռուստաալիքի եթերում՝ նշելով, որ փաստաթուղթը անմիջապես ուժի մեջ կմտնի, եթե «Միացյալ Նահանգների զինված ուժերը համարձակվեն ագրեսիա իրականացնել Վենեսուելայի դեմ»։
Ռոդրիգեսը նշել է, որ փաստաթուղթը Մադուրոյին տալիս է «սահմանադրությամբ նախատեսված հատուկ լիազորություններ՝ ամբողջ երկրում մոբիլիզացնելու Հանրապետության Ազգային Բոլիվարյան զինված ուժերը՝ ենթակառուցվածքների, հանրային ծառայությունների, նավթի և գազի արդյունաբերության և այլ ոլորտների վրա անհապաղ ռազմական վերահսկողություն ստանձնելու համար»։
«Նախագահը հրամանագիր է ստորագրել արտաքին սպառնալիքի վերաբերյալ ։Այն հիմնված է մեր Սահմանադրության 236-րդ հոդվածի վրա», - ասել է նա՝ մանրամասնելով, որ սա հատուկ լիազորություններ է տալիս պաշտպանության և անվտանգության հարցերում՝ Վենեսուելան պաշտպանելու համար։ Փոխնախագահը շեշտել է, որ ԱՄՆ ռազմական միջամտությունը կդիտարկվի որպես մեխանիզմի ակտիվացման խթան։
Սեպտեմբերի 2-ին ԱՄՆ նախագահ Դոնալդ Թրամփը հայտարարեց վենեսուելական թմրամիջոցների կարտելի 11 անդամների սպանության մասին՝ միջազգային ջրերում ԱՄՆ ռազմածովային ուժերի գործողության ժամանակ։ Թրամփը մեղադրեց Կարակասին թմրանյութերի ապօրինի շրջանառության դեմ ոչ բավարար պայքարի մեջ և հանցավոր խմբավորումը բնութագրեց որպես Մադուրոյի կողմից վերահսկվող։ Ի պատասխան՝ Վենեսուելայի նախագահը իրավիճակը անվանեց վերջին 100 տարվա ընթացքում ԱՄՆ միջամտության ամենալուրջ սպառնալիքը։ Նա պնդեց, որ սկսվել է Երրորդ համաշխարհային պատերազմը, և ԱՄՆ-ն ծրագիր ունի։ Մադուրոն ընդգծեց, որ ԱՄՆ-ն ցանկանում է ռազմական ճանապարհով փոխել Վենեսուելայի ռեժիմը։
Օգոստոսին Վենեսուելայի նախագահը հայտարարեց Բոլիվարյան ազգային աշխարհազորի ժողովրդական մոբիլիզացիայի մասին՝ ի պատասխան «ամերիկյան իմպերիալիզմի» սպառնալիքների և երկրի ինքնիշխանությունը պաշտպանելու կոչի։ Մադուրոն հայտարարեց, որ կոչի նպատակն էր մերժել Վաշինգտոնին և ցույց տալ ժողովրդի պատրաստակամությունը՝ դեպի խաղաղություն, բայց իրենց սեփական պայմաններով։
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
