Համայնքում օրերով լույս չի լինում. «Փաստ»
«Փաստ» օրաթերթը գրում է.
Հոկտեմբերի 30–ին և 31–ին Լոռու մարզի Մարգահովիտ համայնքում հոսանք չի եղել: 2 օրվա հոսանքազրկումից հետո տներում լույս է հայտնվել: Գյուղացիների ուրախությունը, սակայն, կարճ է տևել: Հիմա կրկին հոսանք չունեն:
Մարգահովիտի բնակիչների համար արդեն սովորական են դարձել հոսանքազրկումները: Հոսանքի հաճախակի տատանումների պատճառով գյուղացիների էլեկտրատեխնիկան շարքից դուրս է գալիս: Լիդա Գասպարյանը տուժածներից մեկն է:
«Փաստ» օրաթերթի թղթակցի հետ զրույցում պատմեց, որ ջրատաքացուցիչն ու միկրոալիքային վառարանն է փչացել` հոսանքի տատանումներից է խնդիրն առաջացել:
«Տղաս էր Ռուսաստանից փող ուղարկել, առել էի, հիմա էլ ինչո՞վ առնեմ, մնացինք առանց տաք ջրի, հաց թխելու տեղ էլ չունեմ, հարևանիս տանն ենք հացը թխում»,– բողոքեց կինը: Հոսանքի տատանումների պատճառով գյուղացիների մեծ մասը մշտապես վնասներ է կրում, բայց ՀԷՑ–ն այդպես էլ ոչ ոքի փոխհատուցում չի տվել:
«Ումի՞ց պահանջենք այ բալա ջան, 20 տարի բան չի փոխվում, նույն վիճակն է, սենց էլ կմնա, սոված, պակաս–պռատ ապրում ենք ու դրան էլ ավելացրած էս տեխնիկաների փողը, մարդիկ գնում, ապառիկ էլեկտրատեխնիկա են առնում, հոսանքը տատանվում է, փչանում է ապրանքը, մնում ենք վարկի տակ ու առանց տեխնիկայի»,– նեղսրտեց մեկ այլ բնակչուհի:
Անջատումների մասին մարզային և տեղական իշխանությունների մոտ նրանք հաճախ են բարձրաձայնել: Ըստ գյուղացիների՝ իրենց այդպես էլ լսող չկա: ՀԷՑ–ը բողոքները ականջի հետև չի գցում՝ հավաստիացրեց համայնքի ղեկավար Սամվել Անանյանը: Վերջինս տեղեկացրեց, որ այս պահին էլ համայնքի արևելյան հատվածում տեխնիկան աշխատում է՝ վնասված էլեկտրալարերն են նորով փոխարինում: Ծովի մակերևույթից 1760 մետր բարձրության վրա գտվող Մարգահովիտում քամիներ հաճախակի են: Ինչին էլ չեն դիմանում մաշված էլեկտրասյուներն ու լարերը:
«Լարերը մի կերպ նորոգում են, բայց քամին իրար է կպցնում ու հոսանքն անջատվում է: Լավ կլիներ, որ կաբելային լիներ: Նման անելանելի վիճակում չէինք հայտնվի»,– մանրամասնեց Անանյանը:
Առայժմ մարգահովիտցիները հույսով սպասում են, երբ համայնքի ցավոտ հարցն իր պատասխանը կգտնի: Ապառիկով ձեռք բերած տեխնիկան էլ չի փչանա՝ իրենց պարտքերի տակ թողնելով:
Շարունակությունը՝ «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
