Խուսափողների լիգան՝ Արև Սամուելյան, Սերգեյ Սարկիսով, Ռուբեն Սադոյան...«Փաստ»
«Փաստ» օրաթերթը գրում է.
Բարձրաստիճան պաշտոնատար անձանց էթիկայի հանձնաժողովը օրերս հրապարակել է 2016 թ. պաշտոնի ստանձնման և տարեկան հայտարարագրեր չներկայացրած հայտարարատու պաշտոնատար անձանց ցուցակը:
Ընդհանուր առմամբ նախորդ տարի իրենց պարտականությունները զլացել են կատարել թվով 14 պաշտոնյա, որոնցից վեցն այլևս նախկին պաշտոնյաներ են: Նշված 14–ից 5–ը պատգամավորներ են, 3–ը գլխավոր հյուպատոս, երկուական իրավախախտ դեսպան և խորհրդական ունենք, մեկական էլ՝ մարզպետ ու նախարարի տեղակալ:
Նախորդ տարի հայտարարագիր չներկայացրած պաշտոնյաներն են՝ Մշակույթի նախարարի տեղակալ Արև Սամուելյանը, նախկին ԱԺ նախագահի խորհրդական Արմեն Ղասաբօղլյանը, դեսպաններ Գրիգոր Հովհաննիսյանն ու Ջիվան Մովսիսյանը, վարչապետի խորհրդական Թամար Կևորկյանը, նախկին Աժ պատգամավորներ Կարո Կարապետյանը, Համլետ Հարությունյանը, Հայկ Գրիգորյանը, Ռուստամ Գրիգորյանն ու Ռուբեն Սադոյանը, հյուպատոսներ Նիկոլայ ու Սերգեյ Սարկիսովները, Վարտան Սիրմակեսը, ինչպես նաև Տավուշի մարզպետ Հովիկ Աբովյանը:
«Հանրային ծառայության մասին» ՀՀ օրենքի հոդված 43–ի համաձայն՝ 2017 թ. հուլիսի 1–ից հայտարարատու պաշտոնատար անձի, ինչպես նաև նրա ընտանիքի կազմի մեջ մտնող անձի կողմից օրենքով նախատեսված հայտարարագրերը Բարձրաստիճան պաշտոնատար անձանց էթիկայի հանձնաժողով օրենքով սահմանված ժամկետում չներկայացվելու, հայտարարագրերի լրացման նկատմամբ ներկայացվող պահանջների խախտմամբ ներկայացվելու, հայտարարագրերում անզգուշությամբ սխալ կամ ոչ ամբողջական տվյալ ներկայացվելու դեպքում օրենսդրությամբ սահմանված կարգով Բարձրաստիճան պաշտոնատար անձանց էթիկայի հանձնաժողովը իրականացնում է վարչական իրավախախտումների վերաբերյալ գործերի քննություն և նշանակում վարչական տույժեր:
Հայտարարատու պաշտոնատար անձի, ինչպես նաև նրա ընտանիքի կազմի մեջ մտնող անձի կողմից «Հանրային ծառայության մասին» օրենքով նախատեսված հայտարարագրերը Բարձրաստիճան պաշտոնատար անձանց էթիկայի հանձնաժողով օրենքով սահմանված ժամկետներում չներկայացնելը` առաջացնում է նախազգուշացում: Վարչական տույժի կիրառոմից հետո՝ 30 օրվա ընթացքում հայտարարագիրը չներկայացնելը առաջացնում է արդեն տուգանք՝ սահմանված նվազագույն աշխատավարձի երկուհարյուրապատիկի չափով:
Հայտարարատուի կողմից հայտարարագիրը՝ դրա լրացման նկատմամբ ներկայացվող պահանջների կամ ներկայացման կարգի խախտմամբ հանձնաժողով ներկայացնելը առաջացնում է կրկին նախազգուշացում, այնուհետև էլ տուգանքի նշանակում՝ սահմանված նվազագույն աշխատավարձի երկուհարյուրապատիկի չափով: Հայտարարագրում անզգուշությամբ սխալ կամ ոչ ամբողջական տվյալ ներկայացնելը՝ առաջացնում է տուգանքի նշանակում՝ նվազագույն աշխատավարձի երկուհարյուրապատիկից չորսհարյուրապատիկի չափով։
Տարեկան հայտարարագիրը և հայտարարատու պաշտոնատար անձի ընտանիքի կազմի մեջ մտնող անձի հայտարարագիրը տվյալ հարկային տարվա դեկտեմբրի 31–ի դրությամբ էլեկտրոնային համակարգի միջոցով հանձնաժողովին պետք է հանձնվի յուրաքանչյուր տարի՝ ոչ ուշ, քան տվյալ հարկային տարվան հաջորդող տարվա մարտի 30–ը: Պաշտոնը ստանձնելու կամ դադարեցնելու հայտարարագիրը էլեկտրոնային համակարգի միջոցով հանձնաժողովին պետք է հանձնվի պաշտոնը ստանձնելու կամ դադարեցնելու օրվան հաջորդող 30 օրվա ընթացքում:
Շարունակությունը՝ «Փաստ» օրաթերթի այսօրվա համարում
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Почему власть сама ставит себя в нелепое положение? «Паст»
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
Помимо всего прочего, это просто бесчеловечно: «Паст»
