ԱրարատԲանկը՝ ՅՈՒՆԵՍԿՕ-ի կողմից ֆինանսավորվող «Մշակույթ՝ իմ ուղին» ծրագրի համաֆինանսավորող
ԱրարատԲանկը համաֆինանսավորել է «Տերյան մշակութային կենտրոնի» մեկնարկած «Մշակույթ՝ իմ ուղին» ծրագիրը, որը ֆինանսավորվում է ՅՈՒՆԵՍԿՕ-ի 2005թ․ կոնվենցիայի շրջանակներում գործող` Մշակութային բազմազանության միջազգային հիմնադրամի (IFCD) կողմից։
Ծրագրի հիմնական բաղադրիչներից մեկը հաշմանդամություն ունեցող անձանց և նրանց աջակիցների համար հատուկ մշակված մասնագիտական կրթության կազմակերպումն է՝ դիզայն, հագուստի մոդելավորում, դեկորատիվ կիրառական արվեստ։ Նպատակը՝ հաշմանդամություն ունեցող անձանց և նրանց ընտանիքների համար եկամուտ ապահովող հնարավորություններ և կայուն զբաղվածություն ստեղծելն է։ Ծրագիրը ուղղված է հատուկ կարիքներով անձանց, նրանց մայրերին և կին ազգականներին, ինչպես նաև նրանց հետ աշխատող մենթոր-մասնագետներին։
«Մենք գիտեինք, որ բարդ ճանապարհ ենք ընտրել՝ աշխատելու էինք երեխաների հետ, որոնք ունեն հաշմանդամություն և սահմանափակ կարողություններ, սակայն սկսեցինք փնտրել ամուր ձեռքեր ու բարի սրտեր։ Անկեղծ ասած, աջակցության համար դիմելով՝ մեծ հույսեր չէինք փայփայում, կարծում էինք՝ ստիպված ենք լինելու անցնել տարբեր փուլեր, ներկայացնել ծավալուն փաստաթղթեր, ապացուցել անցած ճանապարհը։ Սակայն մեր նպատակը միանգամից ընկալվեց ԱրարատԲանկում։ Մինչ այդ արդեն դիմել էինք այլ ֆինանսական հաստատությունների, լրացրել դրամաշնորհային հայտեր: Մարդկայնությունը ամենից վեր է այստեղ»,- ասում է «Տերյան մշակութային կենտրոնի» գործադիր տնօրեն Լիլիթ Մելիքյանը։
«Այս նախաձեռնությունը նոր հորիզոններ է բացում աուտիզմ ունեցող երեխաների և մեծահասակների, նրանց ծնողների ու մասնագետների համար․ արվեստի, արհեստների և ստեղծագործական մասնագիտությունների միջոցով նրանք հնարավորություն են ստանում ոչ միայն իրացնել իրենց ներուժը, այլև ձեռք բերել կայուն եկամտի աղբյուրներ և ունենալ լիարժեք մասնակցություն հասարակության մշակութային կյանքին։ ԱրարատԲանկի աջակցությունը ծրագիրը դարձնում է երկարաժամկետ և կենսունակ՝ ստեղծելով ամուր հարթակ սոցիալական ինտեգրման և մշակութային բազմազանության համար»,- ասում է «Աուտիզմ ազգային հիմնադրամի» հոգաբարձուների խորհրդի նախագահ Լիլիթ Սողոմոնյանը՝ ծրագիրն անչափ կարևորելով։
Ծրագրի գործունեության ընթացքում կազմակերպվելու է 24 աշխատաժողով։ Այդ շրջանակներում ոլորտի մասնագետները կվերապատրաստվեն դիզայնի և ձեռագործ աշխատանքների ոլորտում: Այնուհետև կկազմակերպվեն 24 վարպետաց դասեր և համատեղ աշխատարաններ, որտեղ այդ մասնագետներն արդեն կվերապատրաստեն և կուղղորդեն հաշմանդամություն ունեցող անձանց, նրանց մայրերին և կին ազգականներին՝ ցուցասրահային և առցանց վաճառքի համար բարձրորակ արտադրանք ստեղծելու նպատակով։
«2020 թվականից մենք անշեղ հանձնառություն ենք ստանձնել՝ աջակցելու սոցիալական ազդեցություն ունեցող ծրագրերին։ ԱրարատԲանկը հավատացած է, որ ֆինանսական միջոցներից առավել կարևոր են մարդիկ, և այս արժեքավոր ներդրումը մարմնավորում է մեր բանկի փիլիսոփայությունը՝ տրամադրելով անհրաժեշտ ռեսուրսներ և բարձրացնելով ծրագրի տեսանելիությունն այն համայնքներում, որտեղ դրա կարիքն առավել շատ է զգացվում»,- նշել է ԱրարատԲանկի Հաղորդակցության և սոցիալական պատասխանատվության ծրագրերի համակարգման բաժնի ղեկավար Աննա Ալլահվերդյանը։
«Պատահական չէ, որ մեր նախագիծը, որը մեկնարկում է ՅՈւՆԵՍԿՕ-ի հովանավորության ներքո, ֆինանսավորվելու է հենց ԱրարատԲանկի կողմից։ Ես ուզում եմ շնորհակալություն հայտնել ԱրարատԲանկի ողջ թիմին ոչ միայն «Տերյան մշակութային կենտրոնի», այլև նախագծի մասնակից բոլոր մարդկանց անունից։ Սահմանափակ հնարավորություններ ունեցող մարդկանց խնդիրը կարող է վերաբերվել ցանկացած մեկին՝ ցանկացած պահի։ Այն չունի ազգություն, չունի տարիքային սահմանափակում, և չի ճանաչում սահմաններ։ Մարդիկ պետք է լինեն սրտացավ»,- համոզված է «Տերյան մշակութային կենտրոնի» գործադիր տնօրեն Լիլիթ Մելիքյանը։
ԱրարատԲանկը վերահսկվում է ՀՀ ԿԲ կողմից
Какой армянский деятель стал членом комиссии при президенте РФ? «Паст»
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Европейские обещания на фоне закрытых дверей: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
