Քանի՞ ՄիԳ-29 կործանիչ կարող էր ստանալ Ուկրաինան Ադրբեջանից․ Defence Express
Օրերս Ուկրաինայի երկնքում նկատվել է ՄիԳ-29, որը, դատելով արտաքին տեսքի գունավորումից, նախկինում պատկանել է Ադրբեջանի ռազմաօդային ուժերին։ Սակայն ադրբեջանական խորհրդանիշների փոխարեն այնտեղ արդեն ուկրաինական նշաններ են, գրում է Defence Express-ը։
«Կարող է հարց առաջանալ, թե ինչպես են դրանք հայտնվել Ուկրաինայում, եթե դրանց հանձնելու մասին նախկինում չի հաղորդվել։ Այստեղ պետք է հիշել, որ լայնամասշտաբ ներխուժման մեկնարկից առաջ Ադրբեջանի ռազմաօդային ուժերի երեք ՄիԳ-29 գտնվել են Լվովի ավիավերանորոգման գործարանում։
Սակայն, ըստ ամենայնի, վերանորոգման աշխատանքները չեն հասցրել ավարտվել մինչև լայնամասշտաբ ներխուժման սկիզբը և դրանք մնացել են այնտեղ։ Դեռևս նախապատերազմյան կադրերում կարելի է տեսնել այդ ՄիԳ-29-ները՝ արդեն իսկ գունավորված Ադրբեջանի տարբերանշաններով։
Բայց լայնամասշտաբ ներխուժման սկսվելուց հետո Լվովի ավիավերանորոգման գործարանը դարձել է ռուսների կարևոր թիրախ, քանի որ բացի ադրբեջանական ինքնաթիռներից, այնտեղ վերանորոգվել են նաև ուկրաինական ինքնաթիռներ։ Այդ իսկ պատճառով, հավանաբար, հրթիռային հարձակման հետևանքով ավերվել է այն անգարը, որտեղ ենթադրաբար եղել են այդ ինքնաթիռները»,- նշում է ուկրաինական ԶԼՄ-ն։
Այնուամենայնիվ, հաշվի առնելով այդ ադրբեջանական ՄիԳ-29-ների նոր լուսանկարները, առնվազն մեկ կործանիչ հաջողվել է դուրս բերել հարվածի գոտուց և շարունակել վերանորոգումը, կամ էլ դրանք հարվածից շատ ավելի շուտ են տեղափոխվել մեկ այլ վայր։ Ըստ ամենայնի՝ պատերազմի սկսվելուց հետո այդ կործանիչները բավականին երկար ժամանակ պարզապես կանգնած են եղել՝ սպասելով ապագայում Ադրբեջան ուղարկվելուն կամ վերանորոգման։
Այս մասին է վկայում այն, որ 2022 թվականից ի վեր ուկրաինական երկնքում չէր հայտնվել Ադրբեջանի ռազմաօդային ուժերի ՄիԳ-29-ի որևէ լուսանկար, իսկ վերջերս այն նկատվել է արդեն ուկրաինական տարբերանշաններով։ Դրանից կարելի է եզրակացնել, որ Ադրբեջանը այն օգտագործելու համար, այսպես կոչված, «լուռ համաձայնություն» է տվել։
Լրատվամիջոցների տվյալներով՝ Բաքվի որոշման վրա կարող էր ազդել Մոսկվայի հետ հարաբերությունների զգալի վատթարացումը։
«Ամփոփելով՝ կարող ենք ասել, որ Ուկրաինայի ռազմաօդային ուժերը կարող են համալրվել մինչև երեք ՄիԳ-29-ով։ Թեև դա շատ չէ, այնուամենայնիվ, դա լավ համալրում է։
«Ադրբեջանն իր զինանոցում ուներ 15 ՄիԳ-29, որոնցից 14-ը ձեռք էր բերվել 2006-2007 թվականներին, իսկ մեկ ՄիԳ-29ՈւԲ-ն՝ 2009 թվականին։ Հետաքրքիր է, որ դրանք նրանք գնել էին հենց Ուկրաինայից։ Հետաքրքիր է նաև այն, որ 2021 թվականին այնտեղ Իսրայելից I-Derby ER «օդ-օդ» հրթիռներ են ձեռք բերվել՝ այդ կործանիչները դրանցով համալրելու համար»,- եզրակացրել է պարբերականը։
В Германии сошел с рельсов поезд метро
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Новая Мишель Обама: смелый стиль, подтянутая фигура и сияющее лицо
Власти Армении сознательно обирают народ: ежедневно из карманов населения выкачивается более 500 мил...
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
