ՀԷՑ-ում խառն են. ներքին հարաբերությունները գնալով սրվում են. «Փաստ»
«Փաստ» օրաթերթը գրում է.
Մեր ունեցած տեղեկություններով, ՀԷՑ-ում բավական լարված իրավիճակ է ստեղծվել: Մասնավորապես, օրերս խորհրդակցություն է անցկացվել «նորերով», որտեղ մեծ դժգոհություն է հայտնվել ՀԾԿՀ-ի գործողություններից: Խնդիրն այն է, որ ՀԷՑ-ը խլելու գործընթաց նախաձեռնելուց առաջ իշխանությունները լիարժեք չեն էլ պատկերացրել, թե ինչպիսի բարդագույն տնտեսական և տեխնիկական համակարգ են կառավարելու, և մտածել են, որ բյուջետային հիմնարկների պես մի քանի թիվ +/- կանեն ու, ոնց էլ լինի, մի լուրջ բան կգտնեն:
Բայց շատ կարճ ժամանակում պարզվել է, որ ամեն ինչ այդքան էլ պարզունակ ու հեշտ չէ: Նախ՝ ինչ «թվային հոդվածի» մեջ փորձում են խորանալ, պարզվում է, որ այդ թվերը հաստատված են ՀԾԿՀ-ի կողմից` առանձին մեթոդոլոգիայով, քանի որ օրենսդրությամբ այդպես էլ սահմանված է: Ավելին, այդ ամենի տրամաբանությունը հասկանալու համար պահանջվում է խոր մասնագիտական գիտելիքներ և երկար տարիների փորձ։
Մյուս կողմից՝ փորձ է արվել ստանալ ՀԾԿՀ մասնագետների աջակցությունը, սակայն իրավական կազուս է առաջացել. հանձնաժողովի աշխատակիցների ներգրավումը փաստացի կասկածի տակ է դնում կառավարչի նշանակման ինստիտուտը։ Հանձնաժողովը օրենսդրությամբ լիազորված է իրականացնել մոնիթորինգ և ստուգումներ, ու եթե նույն կառույցը սկսի նաև օժանդակել կառավարմանը, ստացվում է օրենսդրական հակասություն։
Բացի այդ, հանձնաժողովի աշխատակիցները խուսափում են ներգրավվել այս գործընթացին, քանի որ գիտակցում են սպասվող իրավական քաոսի բարձր մակարդակը։ Դրան գումարվում է նաև այն հանգամանքը, որ վերջին պաշտոնանկությունները և կառավարության դիրքորոշումները, հատկապես Ստոկհոլմյան արբիտրաժի վճռի վերաբերյալ, մեծացրել են անորոշությունն ու վախի մթնոլորտը։
Հավելենք, որ վերջին օրերին իրականացված ստուգումները ՀԷՑում լուրջ խախտումներ չեն հայտնաբերել։ Սա էլ ավելի է սրել ներքին հարաբերությունները։ Մեր աղբյուրների փոխանցմամբ, ժամանակավոր կառավարչի պաշտոնավարման ավարտին ակնկալվում է պատրաստել եզրակացություն, որը պարզապես կարտացոլի քաղաքական պատվերը՝ անկախ նրանից, թե որքանով է այն համապատասխանում իրականությանը։
Իսկ ի սկզբանե ներկայացված «կառավարման ճգնաժամի» հիմնավորումը մինչ օրս մնում է անպատասխան. ոչ ոք չի հստակեցրել, թե ճգնաժամը որ օղակում է եղել, և արդյոք այն իրականում գոյություն ուներ։ Մասնագետները համոզված են, որ այդ պատասխանն այդպես էլ չի տրվի...
Մանրամասները՝ «Փաստ» օրաթերթի այսօրվա համարում
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
