Հանրային ճնշումը արդյունք տվեց
Քրիստոնեական արժեքները ծաղրող և Հոլանդիայում բնակվող երգչուհի Սևդալիզայի դեմ բողոքի ալիքը տվեց իր արդյունքը։ «Կոկա-Կոլա» ընկերությունը հաստատել է, որ տխրահռչակ երգչուհին հանդես չի գալու օգոստոսի 30-ին Հայաստանում նախատեսված «Կոկա-Կոլա ֆեստին»։ Օգտատերերի գրառումները չափազանց կոշտ և պահանջատիրական էին, ընկերությունից պահանջում էին չեղարկել քրիստոնեական արժեքները ոտնահարող երգչուհու մասնակցությունը փառատոնին։ Ընկերությունից նախ նշել էին, որ աշխատում են իրավիճակը կարգավորելու ուղղությամբ, իսկ այսօր առավոտյան նշել են, որ Սևդալիզան Հայաստանում ելույթ չի ունենա, շուտով կհրապարակեն նոր արտիստների անունները։
Հիշեցնենք՝ իրանական ծագումով երգչուհին մի քանի հոլովակներում բացահայտ ծաղրում է քրիստոնեությունը, Հիսուս Քրիստոսին։ 38-ամյա երգչուհին ունի իրանական, ռուսական և ադրբեջանական արմատներ, ծնվել է Թեհրանում, բայց 5 տարեկանից բնակվում է Նիդեռլանդներում։ Ոչ միայն Հայաստանում, այլ նաև եվրոպական տարբեր երկրներում նրա նկատմամբ վերաբերմունքը միանշանակ չէ, իսկ վերջինիս ծագումը հաշվի առնելով և քրիստոնեության նկատմամբ նրա վերաբերմունքը գնահատելով՝ կարելի է նշել, որ հայ օգտատերերն այս անգամ բավականին կազմակերպված և լուրջ պայքար տարան, որպեսզի հերթական հակաքրիստոնեական կերպարի մուտքը Հայաստան թույլ չտան։
Իհարկե, հասարակության մի փոքր սեգմենտ փորձում է այժմ էլ հանդես գալ առաջադիմության դիրքերից, բայց Սևդալիզայի մասնակցության արգելքը չափազանց օբյեկտիվ և անհրաժեշտ էր։ Իսկ այս մեկ հարցում դրսևորած հաջողությունը պետք է հայ հասարակության, հատկապես քրիստոնեական արժեքներ կրող հատվածի համար համախմբման և միասնական հանդես գալու ազդակ դառնա։ Առավել ևս, որ սևդալիզաներն ամենևին էլ այնքան վնաս չեն ներկայացնում հայկական ինքնության, քրիստոնեության և ազգային արժեքների համար, որքան, օրինակ, Հայաստանի իշխանությունը զավթած փոքրաթիվ խմբակը։
Լիանա Սիրեյան
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Боррель: расширение функций ЕК привело к полному хаосу во внешней политике ЕС
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
