Թիրախավորված է ողջ ժողովուրդը. քաղաքագետ
«18 արդարների դատավարությունը» իրականում ողջ հայ ժողովրդի հանդեպ իրականացվող գործընթաց է։ Այս մասին «Փաստ»-ի հետ զրույցում ասաց «Ոսկանապատ» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը։
Նրա խոսքով, իշխանությունները իրականացնում են ժողովրդին բարոյազրկելու, հոգեպես կոտրելու լայնածավալ գործողություն։
«Սա նույնիսկ ահաբեկչություն չէ․ ավելի ծանր երևույթ է։ Թիրախավորված է ողջ ժողովուրդը։ Նպատակը մեկն է՝ վերջնականորեն կոտրել դիմադրությունը և երկրին ու ժողովրդին պարտադրել այն օրակարգերը, որոնք մշակվել են Թուրքիայի և Ադրբեջանի կողմից»,– ընդգծեց քաղաքագետը՝ անդրադառնալով Բագրատ Սրբազանի և նրա 17 աջակիցների դատավարությանը։
Մելիք-Շահնազարյանի համոզմամբ՝ այս գործընթացում իշխանությունը հատուկ է ընտրել զոհվածի հոր, զինվորականի, պատգամավորի, արցախցի գործչի և բարձրաստիճան հոգևորականի կերպարները։
«Իրականում ոչ թե մեր եղբայրներին են դատում, այլ ամբողջ ժողովրդին։ Եվ սա պետք է հստակ գիտակցենք»,– նշեց նա։
Քաղաքագետը վստահ է, որ ներքաղաքական բռնաճնշումները սերտորեն կապված են աշխարհաքաղաքական զարգացումների հետ․ տարածաշրջանում տեղի է ունենում ուժերի վերաբաշխման գործընթաց։
«Հայաստանին պարտադրվում են նոր զիջումներ։ Թշնամին պահանջում է սահմանադրական փոփոխություններ, նոր տարածքների հանձնում, Հայկական հարցից հրաժարում, թուրք-ադրբեջանական դաշինքին միջանցք տրամադրում, ռուսական ռազմաբազայի դուրսբերում և այլ քայլեր։ Եվ այս պահանջները շարունակելու են ավելանալ։ Շատ շուտով կարող ենք կանգնել նույնիսկ Ադրբեջանին փոխհատուցում վճարելու կամ ՀՀ տարածքում ադրբեջանցիներին բնակեցնելու փաստի առաջ»,– ասաց նա։
Ըստ Մելիք-Շահնազարյանի, այս ամենը հնարավոր է դարձել, քանի որ Թուրքիան և Ադրբեջանը իրենց աշխարհաքաղաքական պայմանավորվածությունների դիմաց վճարել են հայկական շահով։
«Միակ գործոնը, որ դեռ կարող է խոչընդոտել Փաշինյանին իր հովանավորների ծրագրերը կյանքի կոչելուն, հայ ժողովուրդն է։ Դա է պատճառը, որ բանտերը լցվում են արժանապատիվ մարդկանցով, հարձակում է իրականացվում եկեղեցու վրա, և ամեն օր ստանում ենք նոր լուրեր ժողովրդի դեմ ուղղված ահասարսուռ զարգացումների մասին»,– ընդգծեց քաղաքագետը։
Մելիք-Շահնազարյանի կարծիքով՝ իրավիճակից դուրս գալու ճանապարհը ժողովրդի և քաղաքական շրջանակների բոլոր առողջ հատվածների սերտ համագործակցությունն է։
«Ընդդիմությունը պետք է գործի ոչ թե իշխանության գալու, այլ Փաշինյանի իշխանությունը հեռացնելու վճռականությամբ։ Պետք է օգտագործել բոլոր միջոցները․ եթե խոսքը իմպիչմենտի մասին է, ուրեմն պետք է գնալ այդ քայլին։ Եթե փողոցային պայքարի մասին է, ապա պետք է պայքարել փողոցում։ Հակառակ դեպքում ամեն օր հայտնվելու ենք դատարանների դիմաց՝ պահանջելով այս կամ այն գործչի ազատությունը, ինչը լինելու է անարդյունք։ Քանի որ կռիվը ոչ թե Բագրատ Սրբազանի, Սամվել Կարապետյանի կամ մյուս քաղբանտարկյալների դեմ է, այլ մեր ժողովրդի։ Իսկ եթե չհասկանանք զարգացումների տրամաբանությունն ու ծավալները, դատապարտված ենք մեծ կորուստների»,– եզրափակեց Հրանտ Մելիք-Շահնազարյանը։
Оппозиционная консолидация: инициатива Самвела Карапетяна становится осью поствыборного периода: «Па...
ВТБ (Армения) выступил спонсором армянского издания знаменитого романа А. Дюма «Три мушкетера»
Газ подорожает, а сельхозпродукция станет дороже золота. «Паст»
Мы не видим необходимости реагировать: Пашинян о признании Израилем Геноцида армян
Новая география общественного доверия: как политическая позиция стала основным инструментом борьбы с...
Тотальный цифровой контроль над гражданами: власть хочет получить доступ ко всем данным мобильных те...
Выборы также развеяли миф об антироссийских настроениях: «Паст»
Боррель: расширение функций ЕК привело к полному хаосу во внешней политике ЕС
Институциональное дезертирство или подарок Пашиняну? Искусственно созданная повестка о сложении манд...
Помимо всего прочего, это просто бесчеловечно: «Паст»
