Հրամանատարը յուրացրել է հենակետի՝ կերակուր պատրաստելու դիզվառելիքը. «Փաստ»
«Փաստ» օրաթերթը գրում է.
Տավուշի մարզի ընդհանուր իրավասության դատարանում հարուցվել է քրեական գործ՝ հրամանատարի կողմից դիզվառելիքը յուրացնելու փորձ կատարելու համար:
Ինչպես տեղեկանում ենք Դատական տեղեկատվական համակարգից՝ ՀՀ ՊՆ թիվ N զորամասի 1–ին գումարտակի հրամանատար Արտաշ Պետրոսյանին մեղադրանք է առաջադրվել այն բանի համար, որ նա այս տարվա ապրիլի 15–ից 29–ը հերթապահություն անցկացնելով «Կոբրա» կոչվող մարտական հենակետում, հափշտակել է մարտական հենակետի կացարանների տաքացման և կերակուր պատրաստելու նպատակով հատկացված դիզվառելիքը: Վերջինս հրամայել է հենակետի կացարաններում փայտ և գազ վառել: Արդյունքում հերթափոխի ընթացքում տնտեսել է 95 հազար դրամի չափով 270 լիտր դիզվառելիք, որը փորձել է յուրացնել, սակայն հանցագործությունն ավարտին չի հասցրել. այն հայտնաբերվել է Տավուշի ՌՈ բաժնի աշխատակիցների կողմից:
Նրա հանցակից, նույն զորամասի հրամանատարի տեղակալ Դավիթ Ղազարյանն էլ մեղադրվում է հափշտակելու նպատակով զորամաս տեղափոխված, այնուհետև էլ ոստիկանների կողմից հայտնաբերված դիզվառելիքի հայտնաբերման հանգամանքը վերացնելու և հանցագործությունն ավարտին հասցնելու մեջ: Հրամանատարի տեղակալը գումարտակին ամրակցված «Ուրալ 4320» մակնիշի ավտոմեքենայի բենզինի բաքը հանել է մեքենայի վրայից, տեղափոխել Տավուշի մարզի Այգեձոր գյուղում գտնվող եռակցող Սուրեն Սաֆարյանի արհեստանոց և վերջինիս հանձնարարել բենզինի բաքի ստորին հատվածը ծակել ու եռակցել: Վերջինս այդպիսով փորձել է շեղել իրավապահ մարմինների ուշադրությունը և նրանց մոտ պատրանք ստեղծել, թե իբր հայտնաբերված դիզվառելիքը գումարտակին ամրակցված ավտոմեքենայի բաքինն է:
Այժմ երկուսն էլ մեղադրվում են Քրեական օրենսգրքի 179–րդ հոդվածի երկրորդ մասի առաջին կետով, այն է՝ յուրացնելը կամ վատնելը պաշտոնեական դիրքն օգտագործելով: Այն պատժվում է տուգանքով՝ նվազագույն աշխատավարձի չորսհարյուրապատիկից յոթհարյուրապատիկի չափով, կամ ազատազրկմամբ՝ երկուսից չորս տարի ժամկետով, կամ որոշակի պաշտոններ զբաղեցնելու, կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով կամ առանց դրա:
Շարունակությունը` «Փաստ» օրաթերթի այսօրվա համարում:
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
«Лакмусовая бумажка» для оппозиционного поля и избирателей: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Геноцидоведы: увольнение директора Музея-института Геноцида армян — тревожный сигнал для ученых по в...
Когда дети становятся частью пропаганды: «невинный разговор» или?... «Паст»
