«Կնոջը 8 ամսական երեխայի հետ պետք է տեղափոխեն կալանավայր». ինչու է 3 ամսով կալանավորվել 3 անչափահաս երեխաների մայրը. ինչ են արձագանքում ՄԻՊ-ից (տեսանյութ)
Այսօր փաստաբան Զարուհի Փոստանջյանը տեսանյութ էր հրապարակել դատարանից, որտեղ 3 երեխաների մոր նկատմամբ դատավորը 3 ամսվա կալանքի որոշում կայացրեց:
Տեսանյութում կինն արտասվում է ու ասում, որ իր երեխաներն առանց իրեն չեն կարողանա ապրել։
Կինը՝ Լիանա Ժուլիվերի Հարությունյանը, մեղադրվում է ՀՀ քրեական օրենսգրքի 470 հոդվածով նախատեսված անօրինական միգրացիայի կազմակերպման օժանդակության համար:
Օժանդակել է Հնդկաստանի 16 քաղաքացու ապօրինի միգրացիայի կազմակերպմանը:
Դատավորը կալանքի որոշումը կայացրել է այն բանի համար, որ կինը դատական նիստերից մեկին չի մասնակցել:
Tert.am-ը դիմել է ՄԻՊ գրասենյակ՝ հասկանալու համար ՄԻՊ-ն այստեղ ինչ անելիք ունի:
«Տեսանյութն ուսումնասիրել ենք: Տեսանյութից պարզ է դառնում, որ դատարանի որոշմամբ քաղաքացու նկատմամբ կիրառվել է կալանք: «Մարդու իրավունքների պաշտպանի մասին» ՀՀ Սահմանադրական օրենքով՝ Պաշտպանն իրավասու չէ միջամտելու դատական վարույթին կամ դատավորների լիազորությունների իրականացմանը կոնկրետ գործով: Այնուամենայնիվ, քաղաքացու իրավունքների, այդ թվում՝ երեխայի խնամքի հետ կապված, Պաշտպանի հանձնարարությամբ արդեն իսկ քայլեր են ձեռնարկվում»,- ասացին ՄԻՊ գրասենյակից:
Դեպքի մասին ֆեյսբուքյան գրառում է կատարել «Հայաստան» խմբակցության պատգամավոր Էլինար Վարդանյանը, ով տեղեկացրել է, որ գործով անցնող մյուս մեղադրյալները կալանավորված չեն:
Էլինար Վարդանյանը մասնավորապես գրել է.
«Երեք երեխաների (փոքրը ութ ամսական է) մայր այս կինը մեղադրվում է ՀՀ քրեական օրենսգրքի 470 հոդվածով նախատեաված անօրինական միգրացիայի կազմակերպման օժանդակության համար: Շուրջ 1 տարի թարգմանություն կատարելու համար նա հարցաքննվել է որպես վկա, հետո, իրավաբան գործընկերներս ինձ լավ կհասկանան, շըրըխկ, և արդեն մեղադրյալ է:
Գործը նախնական դատաքննության փուլում է: Դատարանը, որպես խափանման միջոց ընտրել է տնային կալանքը, սակայն քանի որ կինն ապրում է վարձակալած տանը, սեփականատերը հրաժարվել է թույլ տալ իր տանը կրի տնային կալանքը: Իսկ դատարանն ինչ է անում դրա փոխարեն, էլի, շըրըխկ և 3 ամսով կալանք: Հիմա այս կնոջը 8 ամսական երեխայի հետ պետք է տեղափոխեն կալանավայր, ուրիշի հոգացությանը չի կաչող թողնել:
Մի կարևոր հանգամանք ևս, գործով անցնող մյուս մեղադրյալները կալանավորված չեն:
Հիմա հարց կալանքի որոշում կայացրած դատավոր Արշակ Մաթևոսյանին՝ դու գիտես ի՞նչ է մարդասիրությունը:
Քրեական դատավարության օրենսգրքով նախատեսված ներքին համոզմունքը նաև նրա համար է մտածված, որ մի քիչ մարդ մնաք:
Արդարությունն ու արդարադատությունը նաև մարդասիրություն են ենթադրում»:
Стартует конкурс образовательной программы «Армянские Виртуозы» фонда «Музыка во имя будущего»
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Что еще «откроют» перед выборами? «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
