Հայաստանի հակառուսական կուրսը սրվում է
Ռուսաստան-Ադրբեջան հարաբերությունների կտրուկ սրման ֆոնին Հայաստանի գործող իշխանությունները ևս ջանքեր են գործադրում Մոսկվայի հետ շփումները նվազեցնելու, ՀՀ-ՌԴ հարաբերությունները փչացնելու ուղղությամբ։
Ըստ ամենայնի, թե՛ Ալիևի, թե՛ Փաշինյանի իշխանության գործողությունները թելադրված են նույն կետից։ ՀՀ ԱԳ նախարար Արարատ Միրզոյանը երեկ հրաժարվել էր մեկնել ՀԱՊԿ ԱԳ նախարարների խորհրդի նիստին՝ փոխարենը Երևանում ընդունելով ԵՄ դիվանագիտության ղեկավար Կայա Կալասին։ Համատեղ ասուլիսում Միրզոյանն իր ռուս գործընկեր Սերգեյ Լավրովին մեղադրել է Հայաստանի ներքին գործերին միջամտելու մեջ։ «Եթե չեմ սխալվում, պարոն Լավրովն օգտագործել էր իշխանությունների պայքարը եկեղեցու դեմ ձևակերպումը, և կրկին պարոն Լավրովի տեղեկատվությունը բոլորովին չի համապատասխանում իրականությանը։ Հայաստանում չկա իշխանությունների պայքար եկեղեցու դեմ։ Այն, ինչ նկատի ունի պարոն Լավրովը, հավանաբար վերաբերում է եկեղեցական մի քանի գործիչների կողմից Հայաստանի քաղաքականությանը խառնվելուն, քաղաքական գործընթացների մասնակցելուն։ Համաձայն իրավապահ մարմինների` նրանք մասնակցել են ապօրինի հեղաշրջման փորձերի։ Սա իրավական պրոցես է, և սա Հայաստանի ներքին գործն է», - նշել է Միրզոյանը։
ՀԱՊԿ արտգործնախարարների հավաքից հետո ասուլիսում Լավրովը հայտարարել էր, թե ՀԱՊԿ-ի արտաքին գործերի նախարարությունների ղեկավարները լուրջ մտահոգություն են հայտնել Հայաստանում տեղի ունեցողի վերաբերյալ։ «Սա մեր հարևանների ներքին հարցն է, բայց, իհարկե, հազարամյա Հայ Առաքելական Եկեղեցու վրա հարձակումները լուրջ մտահոգության առիթ են։ Եկեղեցին ավանդաբար միշտ եղել է հայ հասարակության հիմնական հենասյուներից մեկը, և մենք իսկապես չէինք ցանկանա, որ այս Եկեղեցին ենթարկվի հարձակումների՝ ըստ էության առանց որևէ լուրջ հիմքի»,-ասել էր Սերգեյ Լավրովը։
Միրզոյանի հակառուսական դեմարշը նորմալ կդիտվեր, եթե ՀՀ իշխանությունները նույնպիսի մի դիտողություն էլ անեին տակավին օրերս Ֆրանսիայի նախագահի արած հայտարարությունների կապակցությամբ, էլ չասած՝ Իլհամ Ալիևի գրեթե ամենօրյա հակահայկական հայտարարությունների մասին։
Անի Անանյան
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
