Ինչպե՞ս պաշտպանել բանկային քարտի տվյալները
Զեղծարարները ի՞նչ տարբերակներով են կորզում բանկային քարտի տվյալները
Զեղծարարները ինչ-որ կերպ մարդկանց համոզում են գրել բանկային քարտի տվյալները տարբեր աղբյուրներում։ Ամենատարածված ձևերից մեկը առք ու վաճառքի առցանց գործընթացներն են, երբ մարդը առցանց վաճառքի հարթակներում վաճառքի է դնում որևէ իր, զեղծարարների ներդրած ռոբոտացված համակարգերը անմիջապես կապվում են հայտարարության հեղինակի հետ։
Նրանք հորինում են պատմություն, որ ապրում են այլ երկրում և երկու ամսից են վերադառնալու, մինչ այդ ցանկանում են ապրանքի համար կանխավճար թողնել, կամ տեսնում են, որ Երևանում եք, ներկայանում են որպես, օրինակ, կապանցի և խնդրում են առաքումով ուղարկել ապրանքը՝ ձեզ ներկայացնելով ինչ-որ վճարային համակարգի կամ առաքման ծառայության նմանեցված կեղծ էջ։
Ինչի՞ն ուշադրություն դարձնել
Եթե ասում են, որ X ընկերության առաքումն է, անպայման ստուգեք այդ ընկերության իրական հասցեն, համեմատեք ձեր ստացած կայքի հետ, և եթե որևէ բան տարբերվի, նշանակում է՝ գործ ունեք զեղծարարների հետ․ ոչ մի դեպքում չլրացնեք ձեր տվյալները։
Երբ դուք ապրանք եք վաճառում, ձեզ գումար փոխանցելու համար բավական է միայն տրամադրել քարտի 16-նիշանոց կոդը, այն էլ՝ միայն տեքստային տարբերակով։ Կարիք չկա նկարել քարտը, առավել ևս՝ տրամադրել քարտի CVV կոդը։ Եթե խնդրում են այդ տվյալները, անմիջապես դադարեցրեք խոսակցությունը․ նրանք հաստատ զեղծարարներ են։
Զեղծարարները, իհարկե, հնարավոր բոլոր տարբերակներով փորձում են ձեզ համոզել՝ տրամադրել անձնական տվյալները։ Նրանք հաճախ ուղարկում են կեղծ հղումներ՝ նշելով, որ առաքանի ունեք ստանալու, սակայն մի շատ փոքր գումար պետք է ավելացնեք։ Այս պարագայում, կրկին, պետք է ստուգել «առաքումը կազմակերպող» ընկերության իրական կայքի հասցեն ու բոլոր մանրամասները։ Եվ, իհարկե, եթե դուք առաքանի չեք սպասում որևէ տեղից, ընդհանրապես կարիք չկա բացելու հղումը։
IDBANK-Ը ՎԵՐԱՀՍԿՎՈՒՄ Է ՀՀ ԿԲ ԿՈՂՄԻՑ
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
