Կոնվերս Բանկը համագործակցում է IFC-ի հետ առևտրի ֆինանսավորման կարողությունների հզորացման նպատակով
Կոնվերս Բանկը Միջազգային Ֆինանսական Կորպորացիայից (IFC) ստացել է առևտրի ֆինանսավորման գիծ: Համաձայնագիրը կնքվել է հունիսի 16-ին Վիեննայում` IFC-ի Եվրոպայում ֆինանսական հաստատությունների խմբի տարածաշրջանային մենեջեր Էտլևա Կոկայի և Կոնվերս Բանկի գլխավոր գործադիր տնօրեն Անդրանիկ Գրիգորյանի կողմից:
Համաձայնագիրը միտված է Բանկի կողմից Հայաստանում ներմուծողների և արտահանողների աջակցության ամրապնդմանը և Բանկի կարողությունների հզորացմանը, ինչը թույլ կտա տրամադրել ավելի լավ ֆինանսական լուծումներ՝ խրախուսելով միջազգային առևտուրը և ողջ աշխարհում առևտրով զբաղվող հաճախորդներին գլոբալ շուկաներ մուտքի հնարավորություն ընձեռելով:
Համագործակցությունը վկայում է առևտրի զարգացած հնարավորությունների և ռիսկերի բարելավված կառավարման միջոցով տնտեսական աճը խթանելու հարցում Կոնվերս Բանկի հանձնառության մասին:
Կոնվերս Բանկի գլխավոր գործադիր տնօրեն Անդրանիկ Գրիգորյանն ասել է. «Այս նոր համագործակցությամբ IFC-ն դառնում է Կոնվերս Բանկի առանցքային գործընկերներից մեկը առևտրի ֆինանսավորման հարցում: Մենք համոզված ենք, որ այս համագործակցությունը կմեծացնի Բանկի ներկայությունը միջազգային առևտրի ֆինանսավորման շուկայում և կդիրքավորի մեզ որպես վստահելի ֆինանսական գործընկեր այն բիզնեսների համար, որոնք ձգտում են գլոբալ ընդլայնման: Սա, իր հերթին, կնպաստի Հայաստանի բիզնես միջավայրի և տնտեսության զարգացմանը»:
Էտլևա Կոկան կարևորել է կառույցի՝ Հայաստանի բանկային ոլորտի հետ գործընկերության շրջանակներում իրականացվող շարունակական ծրագրերը: Դրանք ներառում են աջակցություն միկրո, փոքր և միջին ձեռնարկություններին, կին ձեռներեցների հզորացմանը և կանաչ ֆինանսավորմանը միտված նախաձեռնություններին:
Նա նշել է. «Կոնվերս Բանկի հետ այս նոր գործընկերության նպատակն է խթանել առևտրի ֆինանսավորումը Հայաստանում, ինչը տնտեսական աճի և աշխատատեղերի ստեղծման առանցքային շարժիչ ուժ է: Համաշխարհային շուկաներին հասանելիության ընդլայնման և տեղական բիզնեսներին աջակցելու միջոցով այս համագործակցությունը ևս մեկ անգամ ընդգծում է IFC-ի հանձնառությունը՝ օժանդակելու Հայաստանի կայուն զարգացմանն ու տնտեսական դիմադրողականությանը»:
Նշենք, որ սա համագործակցության երկրորդ համաձայնագիրն է, որը ստորագրվել է Կոնվերս Բանկի հետ վերջին ամիսներին: Անցյալ տարվա վերջին ստորագրված համաձայնագրի շրջանակում IFC-ն Բանկին տրամադրեց երաշխիք՝ 10 մլն ԱՄՆ դոլարին համարժեք վարկային պորտֆելի վերադարձելիության ռիսկը 50%-ով չեզոքացնելու համար, ինչով նպաստեց ՓՄՁ ֆինանսավորման կարողությունների ընդլայնմանը:
Կոնվերս Բանկը վերահսկվում է ՀՀ կենտրոնական բանկի կողմից:
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
