Փաշինյանը պարտվում է եկեղեցու հետ նյարդերի պատերազմում
Հայ առաքելական եկեղեցու դեմ պայքարում Նիկոլ Փաշինյանի նյարդերը տեղի են տալիս, իսկ կեսգիշերն անց «Զվարթնոց» օդանավակայանում Վեհափառին դիմավորելու արարողությունն ավելի է սրել «Քաղաքացիական պայմանագրի» վախերը։ Հազարավոր մարդիկ՝ տարբեր քաղաքական հայացքներ կրող, իրար հետ հակասություններ ունեցող, կեսգիշերին հավաքվել էին օդանավակայանում՝ դիմավորելու ԱՄԷ-ից վերադարձող Գարեգին Բ-ին։
«Գիտեմ՝ որ եկել եք ձեր վրդովմունքը հայտնելու վերջին օրերին վարչապետի կողմից եկեղեցու և եկեղեցականների հասցեին արված արտահայտությունների առնչությամբ։ Գիտենք, որ այդ արտահայտությունները, հնչեցված վարչապետի կողմից, համընդհանուր վրդովմունք են առաջացրել, հավատում եմ, որ Աստծո ողորմությամբ և օգնությամբ, ձեզ հետ միասին խոհեմորեն առանց ավելորդ հուզականության, ընդվզումների, պիտի կարողանանք հաղթահարել այս դժվարությունը։ Ամուր մնացե՛ք, ձեր հավատքի և առ եկեղեցին ունեցած ձեր սիրո հավատարմության մեջ»,- ասել է Կաթողիկոսն իրեն բարձր ծափերով դիմավորող բազմությանը։
Այդ նույն ժամերին Փաշինյանը «Քաղպայմանագրի» վարչության նիստ էր գումարել։ Ըստ պաշտոնական հաղորդագրության, քննարկվել են կուսակցական, քաղաքական և հանրային կարևորություն ունեցող, ինչպես նաև կուսակցության առաջիկա համաժողովին առնչվող հարցեր։ Մեր աղբյուրի փոխանցմամբ, չեն շրջանցել եկեղեցու դեմ Փաշինյանի արշավը, մի քանիսը կես-բերան ընդվզել են, թե Կաթողիկոսի դեմ հայտարարություններն ու քայլերը հանրային լայն համախմբման են բերելու, արդյունքում Փաշինյանի համար «խիյարը կարող է թարս բուսնել»։
Ինքը՝ Փաշինյանը կատաղության նոպաներ է ունեցել, բղավել, թե մինչև վերջ կռիվ է տալու, իսկ ով իր կարծիքը չի կիսում, կամ պատրաստ չէ կրկնել իր խոսքերը, կարող է դիմում գրել և հեռանալ։ Արդեն առավոտից նա կրկին գրառում է արել. «Մայր Աթոռ Սուրբ Էջմիածինը թող պարզաբանի․ համաձայն Հայաստանյայց Առաքելական Սուրբ Եկեղեցու կանոնների ի՞նչ է տեղի ունենում, երբ պարզվում է կուսակրոն հոգևորականը խախտել է կուսակրոնության ուխտը և կուսակրոնության ուխտի ստանձնումից հետո զավակ է ունեցել»։
Այդուհանդերձ, անգամ ՔՊ-ականներն են խոստովանում, որ Փաշինյան-եկեղեցի կռիվը մաշացնում է ՔՊ-ի քոքը, իրենք էլ խնդիրների են բախվելու հանրության հետ շփումներում։
Նանե Ավդալյան
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
В Ширакской области правоохранители проводятся обыски в офисе «Сильной Армении»: есть задержанные
