«Քաղաքական խուլիգանություն»՝ Փաշինյանի կատարմամբ
Երբ երեկ Կառավարությունում Նիկոլ Փաշինյանը հանկարծակի հիշեց եկեղեցուն և վիրավորական արտահայտություններ արեց, թվում էր, թե դա ընդամենը պահի պոռթկում է, բայց ոչ, իրականում գործող իշխանությունները համակարգված և լուրջ պայքար են մղում հայկական ամենակայացած ինստիտուտներից մեկի՝ Հայ առաքելական եկեղեցու դեմ։ Հիշեցնենք, Փաշինյանը հայտարարել էր, թե եկեղեցի է գնացել մոմ վառելո՛ւ և այնտեղ տեսել ապրանքներ, որոնք սովորաբար չուլանում են լինում, անպետք իրեր։ «Ես ձեզ պաշտոնապես ասում եմ՝ մեր եկեղեցիները չուլանացված են։ Մեկ էլ գնում տեսնում ես ավելացած մեծ աղբ, պարկով ցեմենտ, աբալովկի հին կտորներ, արմատուրայի հին ժանգոտ կտորներ»,- ասել է Փաշինյանը, արդարացնելով միևնույն ժամանակ Մարզահամերգային համալիրում հարսանիք անելու փաստը։
Երկրի վարչապետի աթոռը զբաղեցնող անձի այս անհավասարակշիռ հայտարարություններից հետո հանրությունն ու Հայ առաքելական եկեղեցու սպասավորները քննադատության ալիք բարձրացրեցին, ամենևին էլ վիրավորանքներ չարտահայտելով։
Այսօր առավոտյան արդեն հայ հասարակությունն արթնացավ Նիկոլ Փաշինյանի խայտառակ գրառումներով սոց ցանցերում։ «Սրբազան, գնա շարունակիր քեռուդ կնգան դոմփել, ինձ հետ ի՞նչ գործ ունես»,- գրել էր Փաշինյանը, քիչ անց էլ հավելել. «Իսկ անհրաժե՞շտ է առերեսվել հարցին, թե մեր եպիսկոպոսաց դասից քանի հոգի է հավատարիմ կուսակրոնության ուխտին»։ Իրականում սա հստակ համակարգված, հակաեկեղեցական քայլ է, որին մասնակից են ոչ միայն Հայաստանի վարչապետի պաշտոնը զբաղեցնողը, նրա տիկինը, այլ մի ամբողջ թիմ, այդ թվում նաև Արևմուտքում, Թուրքիայում և Ադրբեջանում։ Ըստ վերլուծաբանների՝ եկեղեցուն կոնկրետ թիրախավորել են, քանի որ համազգային մոբիլիզացիա ընդդեմ գործող իշխանությունների այսօր ունակ են կազմակերպել միայն եկեղեցականներն ու հոգևոր գործիչները։ Վկան՝ Բագրատ Սրբազանի շարժումը։
Անվտանգության հարցերով փորձագետ, ԱԺ պատգամավոր Տիգրան Աբրահամյանն էլ պատահական չի համարում եկեղեցու դեմ արշավը, նշում, որ դա կապված է ադրբեջանցիների հետ։ «Նախ ադրբեջանցիների հոգևոր առաջնորդը հայտարարեց, այսպես կոչված, «արևմտյան Ադրբեջանում» հոգևոր խորհուրդ հիմնելու մասին, ապա զանգվածային հարձակումներ սկսեց Հայ Առաքելական Սուրբ Եկեղեցու դեմ: Պատճառն այն է, որ Մայր Աթոռն ակտիվ հակազդում է Ադրբեջանի դրսևորած ագրեսիվ վարքագծին ո´չ միայն Արցախի տարածքում հայկական հոգևոր ժառանգության դեմ ոտնձգություններին և ոչնչացմանը, այլ որոշակի առումով, ստիպված պետության ֆունկցիա է ստանձնել` պաշտպանում է հայության հավաքական իրավունքները, կոշտ մեկնաբանություններ անում ՀՀ-ի նկատմամբ Ադրբեջանի տարածքային հավակնությունների վերաբերյալ և խոսում այն մասին, որ Արցախի էջը փակված չէ»,- նշել է Տիգրան Աբրահամյանը։
Իսկ մենք ստիպված ենք հերթական անգամ արձանագրել, որ Հայաստանի ղեկավարի պաշտոնին նստած է մի անձ, որը պատրաստ է հանուն իշխանության ամենավերջին հայհոյանքները տալ, վարկաբեկվել մինչև վերջին խազը և դրա համար ամենևին էլ չկարմրել։ Իսկ Փաշինյանի, նրա տիկնոջ ու կողմնակիցների վարքը կարելի է մեղմ բնորոշել՝ «քաղաքական խուլիգանություն»։
Արուս Վարդանյան
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
