Արտագաղթել են համայնքում դպրոցի ու մանկապարտեզի բացակայության պատճառով. «Փաստ»
«Փաստ» օրաթերթը գրում է.
Լոռու մարզի Քարաբերդ համայնքը Վանաձորից ընդամենը մի քանի կիլոմետր հեռավորության վրա է գտնվում, բայց այստեղ հասնելու համար երկար ժամանակ և մեծ ջանքեր են անհրաժեշտ։ Քարաբերդ տանող ճանապարհը քարուքանդ վիճակում է, և շատ հաճախ մեքենաները հրաժարվում են այնտեղ մտնել։ Միակ խնդիրը, սակայն անմխիթար ճանապարհը չէ։
Համայնքը դպրոց չունի։ 74 թվականին գյուղի դպրոցը փակվել է։ 90–ականներին դիմել են դպրոցը վերաբացելու խնդրանքով, նախարարությունից էլ պատասխանել են, որ տնակներ կհատկացնեն Քարաբերդին, որտեղ էլ համայնքի 28 դպրոցահասակները դասապարապմունքներ կանցկացնեն, սակայն խոստումները տասնյակ տարիներ անց այդպես էլ այստեղ չեն հասել:
Քարաբերդցիները «Փաստ» օրաթերթի թղթակցի հետ զրույցում դժգոհեցին, որ դպրոցի, ինչպես նաև մանկապարտեզի բացակայությունն էլ դարձել են արտագաղթի հիմնական խթանը։
Տարիների ընթացքում երիտասարդները հեռացել են, այսօր էլ հազիվ մեկ–երկու երիտասարդ ընտանիք է ապրում. Քարաբերդն արդեն այսօր ծերանոց է դարձել։ Մեծահասակներով բնակեցված համայնքում անգամ բուժկետ չկա, բժշկական օգնություն ստանալու նպատակով քարաբերդցիները ստիպված են Վանաձոր հասնել։
«Գյուղացիներից մեկ– երկուսը մեքենաներ ունեն, այդ ծերերին անհրաժեշտության դեպքում Վանաձոր են տանում, մեկը մյուսին օգնում, «յոլա» են գնում էլի։ Դե, ապրում ենք՝ էլի, ամեն մեռնողի երանի տալով»,– նեղսրտեցին տարեց գյուղացիները:
Քարաբերդը միայն ամռանն է մարդաշատ լինում՝ այդ ժամանակ շուրջ 130 բնակիչ է լինում։ Մինչդեռ այդքան գրանցված բնակիչ այստեղ չկա, դրանց մեծ մասը ժամանակավոր են բնակություն հաստատում, անասնապահությամբ են զբաղվում, սեզոնն ավարտվելուն պես էլ հեռանում են։ Քարաբերդն այսօր մոտ 90 բնակիչ ունի:
Գյուղացիների կարծիքով, եթե Վանաձորին կապող ճանապարհը վերանորոգվի, մի շարք խնդիրներ կլուծվեն։ Նրանց խոսքով՝ մեծ գումար անհրաժեշտ չէ, պետությունը կարող է դրա համար վճարել, իսկ գյուղապետարանի սուղ բյուջեով դա իրականացնել անհնար է։
«Մարդիկ հողագործությամբ, անասնապահությամբ են զբաղվում։ Նպաստավոր պայմաններ կան անասնապահությամբ զբաղվելու համար, անասնապահները գոհ են այդ գործից, միայն թե ճանապարհները որ լավը լինեն, կարող են տանել մթերքը Վանաձորում վաճառել, հոգսերը մի քիչ կթեթևանան»,– նշեց մեր զրուցակիցը։
Շարունակությունը՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
