Առաջարկում են քրեակատարողական հիմնարկներում թույլատրել բջջային հեռախոսները. «Փաստ»
«Փաստ» օրաթերթը գրում է.
Քրեակատարողական հիմնարկներում այսօր բազմաթիվ խնդիրներ կան, որոնց մասին լռում են: «Փաստ» օրաթերթի թղթակցի հետ զրույցում նման տեսակետ հայտնեց ՔԿՆ–ներում հասարակական վերահսկողություն իրականացնող հասարակական դիտորդների խմբի անդամ, իրավապաշտպան Ռոբերտ Ռևազյանը:
Հասարակական դիտորդների խմբի անդամների դիտարկումների արդյունքներով Հայաստանի ՔԿՀ–ներում հիմնական խնդիրները մնում են պայմանական վաղաժամկետ ազատման ինստիտուտի գործունեությունը և բուժսպասարկումը:
«Շատերը բողոքում են նաև խցերի պայմաններից, սննդից»,– ներկայացրեց նա:
Ռոբերտ Ռևազյանի գնահատմամբ՝ ՔԿՀ–ներն այսօր հեռու են լավ վիճակում գտնվելուց: Թերևս առաջին պատճառներից մեկն էլ իրավապաշտպանն այնտեղ ոչ պատշաճ բուժզննության բացակայությունն է համարում: Անազատության մեջ գտնվողները տարբեր առիթներով նույնպես այս հարցը բաձրաձայնել են՝ բժիշկ չկա, եղածներն էլ հետևողական աշխատանք չեն կատարում:
«Մասնագետների պակաս էլ կա միանշանակ: Հրապուրիչ չէ այնտեղ աշխատելը»,– նշեց Ռևազյանը:
Դիտորդական խմբի անդամի խոսքով՝ կոռուպցիան շարունակում է լուրջ խնդիր մնալ: Անազատության մեջ գտնվողների խնդիրները լուծելու ուղղությամբ քրեակատարողական համակարգում ռազմավարության ծրագիր է մշակվում: Այն կընդգրկի 2018–2038 թվականները: Ծրագրում նաև կոռուպցիան վերացնելու ուղղությամբ կատարվելիք քայլերն են ներկայացված:
«Եվ կոռուպցիոն ռիսկեր պարունակող այդ խնդիրների վերաբերյալ որևիցե քննություն, ուսումնասիրություն չի կատարվում: Դատապարտյալին պատժում են նրա համար, որ իր ձեռքին հայտնաբերել են արգելված իր, բայց այն ուղղությամբ, թե ինչպե՞ս հայտնվեց այդ արգելված իրը քրեակատարողական հիմնարկում և դատապարտյալի մոտ՝ ուղղակի քննություն չի կատարվում»,– ասաց նա:
Ըստ Ռոբերտ Ռևազյանի՝ ՔԿՆ–ներում կոռուպցիան վերացնելու համար նաև պետք է աշխատողների աշխատավարձը բարձրացնել: Իրավապաշտպանի խոսքով՝ ռազմավարական ծրագիրը կյանքի կոչվելու դեպքում դրական ազդեցություն կունենա ՔԿՀ–ների վրա: Նա, սակայն տարակուսում է:
«Ես դեռ չգտեմ, թե արդյոք այդ ծրագիրը կիրականանա և տիրող իրավիճակը որքանով կբարելավվի»,– նկատեց նա:
Ռոբերտ Ռևազյանն առաջարկում է օրինականացնել բջջային հեռախոս ունենալը: Այս հարցի շուրջ մեկնաբանությունները տարբեր են: Նա չի կիսում այն տեսակետը, թե հեռախոսների օրինականացման դեպքում հանցագործությունների կազմակերպումը կհեշտանա:
«Ով ուզում է հանցագործություն կազմակերպի, դա ամեն կերպ կանի, հեռախոսը խնդիր չէ: Բացի այս, անձը չի կտրվում հասարակությունից, և, թեկուզ հեռակա կարգով, դա անձի հոգեբանության վրա դրական է ազդում: Մենք չպետք է պետությունը դիտենք այն մահակը, որը միայն պետք է խփի: Առաջին խնդիրը կայանում է նրանում, որ մենք ունենանք հասարակություն, որտեղ չեն լինի հանցագործություններ»:
Ի դեպ, թեև Եվրոպայի խորհրդի Խոշտանգումների կանխարգելման կոմիտեն հայաստանյան բանտերի և իրավապահ համակարգի վերաբերյալ զեկույցում որոշակի առաջընթաց արձանագրել է, բայց կոռուպցիան ու բուժսպասարկման ցածր որակը շարունակվում է առաջնահերթ խնդիր համարվել:
Ազատազրկված մարդիկ պետք է բուժօգնության երաշխիքներ ունենան ազատազրկման առաջին իսկ օրվանից։
Շարունակությունը՝ «Փաստ» օրաթերթի այսօրվա համարում
Лидер Движения «Всеармянский фронт» Аршак Карапетян проведёт пресс-конференцию на тему «События на Ю...
Бывшие руководители Словакии требуют от Никола Пашиняна прекратить политические преследования и давл...
День благодарности клиентам - на этот раз в филиале IDBank «Эребуни»
Мы не хотим, чтобы сатана, пришедший к власти, судил христиан за их поступки
Когда союзников не осталось: цена и последствия полной изоляции. Аршак Карапетян
«Сила одного драма» - благотворительной общественной организации «Орран»
«Срочно подтвердите данные карты»: IDBank предупреждает о мошенничестве с бронированием отелей
Подведены итоги очередного этапа Junius: впереди новый этап
А сейчас Алиев требует закрыть АЭС.Браво, господа, аплодисменты
Мгер Ананян вошел в состав Правления Юнибанка
