Նիկոլ Փաշինյանը սկսել է Գյումրու իշխանության զավթումը
Գյումրիում վերջին օրերին կատարվող իրադարձություններն այլևս որևէ կասկած չեն թողել՝ «Քաղաքացիական պայմանագիրն» անցել է Գյումրիում իշխանության զավթման գործընթացին, ընդ որում, դրա համար օգտագործելով բոլոր անբարոյական մեթոդները։ Հիշեցնենք, Գյումրու ավագանու 33 հոգանոց կազմում քաղաքացիական պայմանագիրն ունի 14 մանդատ, մնացած 19-ը բաժին է հասել ընդդիմադիր 4 խմբակցություններին, որոնք առանց միավորվելու քաղաքապետ էին ընտրել Վարդան Ղուկասյանին։ Եվ, այժմ, «Քաղպայմանագիրը» չի կարողանում հանդարտվել, համակերպվել ստեղծված իրադրության հետ, և ամեն ինչ անելու է, որպեսզի Գյումրիում իշխանազրկի Վարդան Ղուկասյանին։
Ավագանու «Մեր քաղաքը» խմբակցության անդամ Կարեն Բադալյանին մի քանի օր է՝ չեն կարողանում գտնել։ Կարծում են, ՔՊ մատը խառն է այս հարցում։ Պատգամավոր Մարտուն Գրիգորյանի գնահատմամբ, «ՔՊ-ն չի հանգստացել, չի հանդարտվել, չի մարսում Գյումրիում եղածը»։ Բանն այն է, որ օրեր առաջ Կարեն Բադալյանն ավագանու մանդատից հրաժարվելու դիմում է ներկայացրել, նախօրեին էլ փոշմանել և էլեկտրոնային տարբերակով հրաժարվել է իր նախնական որոշումից։ Ավելին, նա տեղեկացրել է, որ լքելու է ավագանու խմբակցությունը և անկախ անդամ է ցանկանում դառնալ։
Երեկ թիվ 31 ընտրատարածքային հանձնաժողովը, հաջորդ անդամին, Նարեկ Միրզոյանին է փոխանցել Բադալյանի մանդատը, իսկ Բադալյանն էլ դատական հայց է ներկայացնելու՝ հայտարարելով, թե ապօրինություն է տեղի ունեցել, իր դիմումները հաշվի չեն առնվել։ Իհարկե, մեկ մանդատը բավական քիչ է «Քաղպայմանագրի» համար։ Առնվազն ևս 2 հոգի անհրաժեշտ են, որպեսզի ՔՊ-ն կարողանա ձայների նվազագույն մեծամասնությամբ իրականացնել իշխանության զավթում, և մեր տեղեկություններով, այս անգամ էլ թիրախում Վարդան Ղուկասյանի 2 թիմակիցներ են լինելու, որոնց դեմ քրեական վարույթներ հարուցելով փորձելու են պոկել Գյումրու գործող քաղաքապետի թիմից և Սարիկ Մինասյանին դարձնել Գյումրու քաղաքապետ։
Աննա Բարսեղյան
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
В Ширакской области правоохранители проводятся обыски в офисе «Сильной Армении»: есть задержанные
