Հերթական ապտակը Փաշինյանին. միջազգային կառույցը բազում խախտումներ է արձանագրել
Ցուցարարների դեմ կիրառված ոչ իրավաչափ ուժ, լրագրողների դեմ ճնշումներ և հետապնդումներ, ընդդիմության ակտիվիստների ձերբակալություններ, քաղաքական գործիչների դատեր, սեռական և գենդերային բռնություն, բնապահպանների հետապնդումներ, փախստականների և միգրանտների իրավունքների խախտումներ։ «Ժողովրդավարության բաստիոնում» անցած մեկ տարում սրանք էին հիմնական խախտումները, ըստ աշխարհի ամենահեղինակավոր իրավապաշտպան կառույցներից մեկի՝ Amnesty International-ի հերթական զեկույցի։
Իրավապաշտպան կառույցն արձանագրել է Հայաստանի գործող իշխանությունների խայտառակ պահվածքը՝ փաստացի հերթական ապտակը հասցնելով «ժողովրդավարության» մասին ճամարտակող Նիկոլ Փաշինյանին ու իր թիմին։ Կազմակերպությունը հիշատակել է վարչապետի հրաժարականի պահանջով ապրիլին և մայիսին տեղի ունեցած ցույցերի ժամանակ ոստիկանության կողմից անօրինական ուժ կիրառելու մի քանի դեպքերը։ Նշվում է, որ ցույցերն ուղեկցվել են լրագրողների դեմ ճնշումների և հետապնդումների, այդ թվում՝ նրանց ուղղված վիրավորանքի և սպառնալիքների դեպքերի աճով։
Կառավարությունը շարունակել է դժվարություններ ունենալ ավելի քան 100,000 փախստականների ինտեգրման հարցում, որոնք 2023 թվականի սեպտեմբերին Ադրբեջանի կողմից Լեռնային Ղարաբաղի նկատմամբ վերահսկողություն հաստատելուց հետո ապաստան են գտել Հայաստանում։ Բնակարանային, զբաղվածության և կրթության հարցերը հատկապես դժվար են շատ փախստականների համար։ Նրանց անվտանգ և արժանապատիվ վերադարձի իրավունքը մնում է չիրականացված։
Ծավալուն այս զեկույցը ևս մեկ փաստ է, որ ժողովրդավարության ու մարդու իրավունքների մասին իշխանության խոսքերը ոչ այլ ինչ են, քան մանիպուլյացիա և կեղծիք, իսկ մերօրյա Հայաստանը ժողովրդավար լինել չի կարող։ Մնում է մեկ հարց՝ ինչու է Արևմուտքը պարբերաբար ապտակներ հասցնում Նիկոլ Փաշինյանին, ակնարկում, որ չի հավատում նրա հավաստիացումներին։
Գոհարիկ Հասանյան
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
