Ինչո՞ւ է Արշակ Կարապետյանը մեկնել Սոչի. «Փաստ»
«Փաստ» օրաթերթը գրում է.
Մեր ունեցած տեղեկություններով, օրերս «Համահայկական ճակատ» շարժման առաջնորդ Արշակ Կարապետյանը մեկնել է Սոչի, այնտեղից նաև՝ Սոչիի մերձակա Ալտմեց (Նոր Լույս) գյուղ, որտեղ շատ համշենահայեր են ապրում:
Պարզվեց՝ այցը տեղի է ունեցել ապրիլի 24-ին, Կարապետյանի հետ են եղել նաև «Համահայկական ճակատ» շարժման անդամներ և Հայաստանի պարա հոկեյի ֆեդերացիայի թիմը: Նրանք հարգանքի տուրք են մատուցել 1915 թ. Հայոց ցեղասպանության զոհերի հուշակոթողի առջև։ Մեզ տեղեկացրեցին, որ իսկապես նշյալ գյուղում ապրում է մոտ 300 մարդ, հիմնականում՝ համշենահայեր, որոնց նախնիները գաղթել են Տրապիզոնի շրջակայքից։
Շարժման գրասենյակից մեզ տեղեկացրեցին, որ հոգեհանգստյան պատարագ է մատուցվել «Սուրբ Նարեկ» եկեղեցում, իսկ միջոցառման ավարտին մասնակիցները ծաղկեպսակ են դրել 2005 թվականին տեղադրված՝ 1,5 միլիոն հայերի կյանք խլած Ցեղասպանության զոհերի հիշատակը հավերժացնող հուշակոթողին:
Ի դեպ, հավելենք, որ «Համահայկական ճակատ» շարժումը և կուսակցությունը 2025 թվականի ապրիլի 22-ին նաև Հայաստանում ոգեկոչման միջոցառում իրականացրեցին՝ նվիրված Օսմանյան կայսրությունում Հայոց ցեղասպանության զոհերի հիշատակին։ Ակցիայի մասնակիցները Երևանի մետրոյի «Բարեկամություն» կայարանից մինչև Ծիծեռնակաբերդի հուշահամալիր տանում էին Հայաստանի 80 մետրանոց դրոշը։ Պաստառների վրա հայերեն, ռուսերեն և անգլերեն լեզուներով գրված էր՝ «Ցեղասպանության ժխտումը ճանապարհ է բացում Հայաստանի թուրքացման համար»։
Իսկ ի՞նչ կապ ունի Հայաստանի պարա հոկեյի ֆեդերացիայի թիմն այս այցի հետ: «Փաստ» թերթի տեղեկություններով, մեր մարզիկները ցանկացել են այց կատարել և նախապես դիմել է ՀՀ ԿԳՄՍ նախարարությանը՝ խնդրելով աջակցել: Խոսքն, ընդհանուր առմամբ, մոտ 2 միլիոն դրամի մասին է: Սակայն նախարարությունից մերժում են ստացել, որից հետո դիմել են «Համահայկական ճակատ» շարժման առաջնորդ Արշակ Կարապետյանին: Մեր աղբյուրների փոխանցմամբ, վերջինս իր ընկերների՝ մոսկվաբնակ գործարարների շնորհիվ կարողացել է աջակցել և կազմակերպել հոկեյիստների այցը:
Փաստորեն, թուրք լրագրողներ հրավիրելու և հարցազրույց տալու համար գումար գտնվում է, քպական պաշտոնյաների պարգևավճարների համար գումար գտնվում է, զանազան անիմաստ միջոցառումների համար գումար գտնվում է, իսկ մեր հաշմանդամ մարզիկների համար ընդամենը 2 միլիոն դրամն իշխանություններն ափսոսում են:
Մանրամասները՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
