Երևանում տեղի ունեցավ FINTECH360 10-րդ հոբելյանական համաժողովը
Յունիբանկի աջակցությամբ Երևանում անցկացվեց FINTECH360 միջազգային համաժողովը: Այս տարի Հայաստան ժամանեց ավելի քան 300 մասնակից, այդ թվում՝ բանկերի, վճարային և դրամական փոխանցումների համակարգերի ներկայացուցիչներ, խոշոր ՏՏ ընկերությունների և ստարտափների ղեկավարներ։ Նախորդ տարիների համեմատ՝ մասնակիցների թիվն աճել է գրեթե 1,5 անգամ:
Համաժողովին ողջույնի խոսքով հանդես եկան ՀՀ Կենտրոնական բանկի նախագահի տեղակալ Հովհաննես Խաչատրյանը, Յունիբանկի Խորհրդի նախագահ Գագիկ Զաքարյանը և Հայաստանի բանկերի միության նախագահ Դանիել Ազատյանը։
«FINTECH360-ը հիանալի հնարավորություն է առաջատար փորձագետների հետ քննարկելու ոլորտի զարգացման խնդիրները, ինչպես նաև ֆինանսական տեխնոլոգիաների ներդրման ուղղությամբ համատեղ նախաձեռնություններն ու նախագծերը»,- իր խոսքում նշեց Կենտրոնական բանկի նախագահի տեղակալ Հովհաննես Խաչատրյանը:
«Թվային դարաշրջանը բերում է ոչ միայն հնարավորություններ, այլև պատասխանատվություն։ Մենք կանգնած ենք մի երկխոսության միջև՝ տեխնոլոգիաների ու անվտանգության, արագության ու վստահելիության, ստեղծարարության ու կարգավորման։ Եվ որքան էլ այդ երկխոսությունը բարդ լինի, այն պետք է կայանա խորությամբ, պատասխանատվությամբ և ապագայի տեսլականով։ FINTECH360 միջազգային կոնֆերանսը և նմանօրինակ ֆորմատով անցկացվող այլ հանդիպումներ վստահաբար կարող են դառնալ այդ երկխոսության կայացման հարթակ՝ միավորելով ոլորտի առաջատարներին ու մասնագետներին»,- նշեց Հայաստանի բանկերի միության նախագահ Դանիել Ազատյանը։
Յունիբանկի Խորհրդի նախագահ Գագիկ Զաքարյանը նշեց, որ հատկապես հաճելի , որ վերջին 3 տարիներին համաժողովն անցկացվում է Երևանում: Մինչ այդ FINTECH360-ը հյուրընկալել են Հունաստանը, Իսպանիան, Իտալիան, Էստոնիան, Ավստրիան, Մեծ Բրիտանիան և այլ երկրներ: Այս տարվա համաժողովն առանձնանում է ներգրավվածության ռեկորդային ցուցանիշով։ Ավելի քան 40 խոսնակ երկու օր շարունակ քննարկեցին ֆինտեխի զարգացման ամենաարդիական ուղղությունները։ Համաժողովի օրակարգի հիմնական թեմաներն էին՝ AI-հավելվածները ֆինանսական ծառայություններում, բլոկչեյն, կրիպտոարժույթ, DeFi և թվային ակտիվներ, միջազգային դրամական փոխանցումների և վճարային համակարգերի զարգացում, ինչպես է աճող հիպերանձնավորումը ձևափոխում հաճախորդների փորձը, FinTech լուծումներ բրոքերային գործունեությունում և կապիտալի շուկայում, ապահովագրական շուկայի թվայնացում:
FINTECH360-ին մասնակցում էին փորձագետներ 20 երկրներից՝ Հայաստան, Բելառուս, Մեծ Բրիտանիա, Գերմանիա, Վրաստան, Ղազախստան, Կիպրոս, Ղրղըզստան, Լատվիա, Մոլդովա, Մոնղոլիա, ԱՄԷ, Ռուսաստան, Սինգապուր, Տաջիկստան, Ուզբեկստան, Շվեյցարիա, Շվեդիա, Ֆրանսիա և Ճապոնիա։
Հագեցված պանելային քննարկումներից հետո FINTECH360-ի մասնակիցներին ներկայացվեց Հայաստանի պատմությունն ոևւ մշակույթը: Հյուրերը նաև ծանոթացան հայկական գորգագործության պատմությանն ու գորգերի արարման ընթացքին, մասնակցեցին հայկական տարազներով ֆոտոսեսիային:
Не помогла даже откровенная поддержка ЕС и США: выборы стали также своеобразным референдумом: «Паст»
Политическая месть ценой экономической безопасности: «Паст»
Члены Конгресса США присоединились к АNCА с требованием освободить армянских пленных на 1000-й день ...
Почему власть сама ставит себя в нелепое положение? «Паст»
Тотальный цифровой контроль над гражданами: власть хочет получить доступ ко всем данным мобильных те...
Почему Аветик Чалабян вновь оказался в центре внимания властей? «Паст»
Россия полностью остановила импорт рыбы из Армении
Выборы также развеяли миф об антироссийских настроениях: «Паст»
Когда любая уступка превращается в отправную точку для новых требований: «Паст»
Пропасть в сфере безопасности и необходимость спасения государственности: предупреждение Аршака Кара...
