Սարալանջում վատ որակի ջուր են խմում. «Փաստ»
«Փաստ» օրաթերթը գրում է.
Շիրակի մարզի Սարալանջ համայնքում խայտառակ որակի ջուր են խմում: Մեզ հետ զրույցում դժգոհեցին Սարալանջի բնակիչները։ Սարալանջը խմելու ջուր ստանում է Մանթաշի ջրամբարից։ Գյուղացիների խոսքով՝ խողովակները 60–ական թվականներից են օգտագործվում, դրանք ամբողջությամբ քայքայված վիճակում են։
«Անթույլատրելի է այդ խողովակներից ջուր խմելը: Քայքայված խողովակների պատճառով ջրում ինչ ասես, որ չեն հայտնվում՝ հող, որդեր, բայց ստիպված օգտագործում ենք, ի՞նչ անենք»,– վրդովվեցին նրանք:
Սարալանջցիների խոսքով՝ բոլորը զարմանում են՝ ո՞նց կարելի է նման վտանգավոր որակի ջուր խմել: Իսկ վատորակ ջրից այստեղ օգտվում է 370 տնտեսություն: Բնակիչների առողջական վիճակով մտահոգ համայնքի ղեկավարն այն լաբորատոր փորձաքննության է ուղարկել։
«Սանէպիդկայանից գալիս են, նմուշ են տանում, հարցրել եմ, ասում եմ` ո՞նց է պատասխանն, ասում են` դու չգիտե՞ս ինչ պատասխան պետք է լինի»,– ասաց համայնքի ղեկավար Ցոլակ Հովհաննիսյանը։
Նա 5 տարի է` ինչ ղեկավարում է Սարալանջը, այդ տարիների ընթացքում բոլոր կառույցներում խնդիրը բարձրաձայնել է, բայց անընդհատ նույն պատասխանն է ստացել՝ կփոխենք: Սարալանջի խմելու ջրի ցանցը հանձնված է եղել «Հայջրմուղ» ընկերությանը: Վերջինս պետք է խնդիրը լուծեր, սակայն, ծրագիրն այդպես էլ կյանքի չի կոչվել:
«Եկան նայեցին, ասացին՝ անելու ենք, միլիոն ու կես գումար հատկացրեցին, բայց քիչ էր, ասացին՝ մյուս տարի գումարը կավելացնենք, բայց «Հայջրմուղը» փլուզվեց»,– պատմեց համայնքի ղեկավարը:
Հիմա Սարալանջի խմելու ջուրը «Վեոլիա Ջուր» ընկերության ենթակայության տակ է գտնվում: Մի քանի անգամ արդեն նրանց դիմել են, հուսադրող պատասխան չեն ստացել:
«Ասացին՝ բյուջե չունենք, խնդիրները պետք է հասկանանք ու նոր քայլեր ձեռնարկենք»,– փոխանցեց նա:
Թեև պարբերաբար խոստումներ են հնչում, բայց գյուղացիները շարունակում են իրենց առողջության համար վտանգավոր ջուր օգտագործել:
Շարունակությունը՝ «Փաստ» օրաթերթի այսօրվա համարում
Тотально используя административный ресурс, он «ненавидит» административный ресурс? «Паст»
Чтобы ни одна стена не осталась без фотографии Никола Пашиняна: «Паст»
Сын Мадуро рассказал, что его отец сидит в общей камере на 18 человек
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
Идеологическая подготовка нового давления на Армению. «Паст»
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
Борьба против Армянской Апостольской Церкви уничтожает легитимность любой власти․ Арман Варданян
