Թուրք-ադրբեջանա-նիկոլական դավադրություն՝ Հայաստանի դեմ
Թուրքիայի Անթալիա քաղաքում երեկ բազմաթիվ անգամներ հնչել է Հայաստանի անունը։ Նշենք, որ երեկ մեկնարկել է Անթալիայի դիվանագիտական ֆորումը, որին մասնակցում են նաև Հայաստանից արտգործնախարար Արարատ Միրզոյանն ու Ազգային ժողովի փոխնախագահ, հայկական կողմի հատուկ բանագնաց Ռուբեն Ռուբինյանը։ Ռուբինյանը երեկ հանդիպում է ունեցել թուրքական կողմի բանագնաց Սերդար Քըլըչի հետ, իր խոսքերով, բավական լավ արդյունքներ են գրանցել, մինչդեռ նույն Սերդար Քըլըչն իր հայտարարություններում կրկնել է ադրբեջանական նարատիվները, հայտարարել, թե Հայաստանը պետք է փոխի իր Սահմանադրությունը` Ադրբեջանի հետ հարաբերությունները կարգավորելու համար։
Ըստ ադրբեջանական լրատվամիջոցների, Քըլըչն ասել է. «Նիկոլ Փաշինյանը նույնպես Սահմանադրության փոփոխության վերաբերյալ հայտարարություն է արել։ Այս համատեքստում Հայաստանը կկատարի անհրաժեշտ փոփոխություններն իր Սահմանադրության մեջ»։
Արդեն հայկական լրատվամիջոցներից մեկին տված հարցազրույցում Քըլըչը հայտարարել է. «Դա կարևոր հարց է, և, ինչպես նշեցիք, Ադրբեջանը պահանջում է Հայաստանի Սահմանադրության փոփոխություն։ Հայաստանի իշխանություններն արդեն հայտարարել են, որ իրենք ևս ցանկանում են փոփոխություններ անել Սահմանադրության մեջ, բայց սա Հայաստանի ներքին հարցն է, հայ ժողովուրդը և Հայաստանի ինստիտուտներն են որոշելու` ինչպես և երբ է այդ փոփոխության գործընթացն իրականացվելու»։
Մինչ թուրքական կողմը մեղմիկ ձևակերպումներով Հայաստանի իշխանություններին փորձում է մղել Սահմանադրության փոփոխության, Թուրքիայի նախագահն էլ հանդիպել է իր ադրբեջանցի գործընկերոջ հետ և հերթական անգամ նշել, թե Թուրքիան շարունակում է Հայաստանի հետ հարաբերությունների համակարգված կարգավորման գործընթացը` փաստացի ակնարկելով, որ քանի դեռ հայ-ադրբեջանական հարաբերությունները կարգավորված չեն, Թուրքիայի կողմից որևէ կարգավորում սպասել չարժե։ Ընդհակառակը, Էրդողանը նշել է, որ Թուրքիան ցանկանում է Ադրբեջանին տեսնել որպես «Հարավային Կովկասի խաղաղության ճարտարապետ»` փաստացի արձանագրելով, որ Հարավային Կովկասում որպես առաջատար իր համար միայն Ադրբեջանն է, իսկ Հայաստանը հարաբերությունները կարգավորելու դեպքում պարզապես վերածվելու է թուրք-ադրբեջանական տանդեմի և Արևմուտքի խամաճիկի։
Մելինե Բաբայան
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
