Ահա թե ինչպիսինն է հակառակորդ երկրի «դեմքը» Ռուսաստանում. «Փաստ»
«Փաստ» օրաթերթը գրում է.
Այն, որ Ռուսաստանում ու, մասնավորապես, Մոսկվայում ադրբեջանական համայնքը, ոչ առանց Բաքվի ուղղորդման, ազգայնական, կոնկրետ՝ հակահայկական դրսևորումներ է ունենում, նորություն չէ:
Այդ առումով վաղուց ուշադրություն է գրավել ոմն Բախտիյար Հասանով, որ սիրում է ներկայանալ որպես «Մոսկվայի ադրբեջանական համայնքի ղեկավար»: Այ, վերջերս էլ սույն Բախտիյարը Մոսկվայի պետական լեզվաբանական համալսարանում ունեցած ելույթից հետո, զիյաբունիաթովական «ավանդույթներին» հավատարիմ, ընծաներ է տվել հիշյալ համալսարանի ռեկտորին: Դե, տվել՝ տվել է, իրենք, իրենց ադրբեջանական սովորույթները: Բայց խնդիրն այն է, որ նա հայտարարել է, թե այդ... «ձեռակերտ տքնության արդյունքները բերված են Շուշի քաղաքից»: Իսկ որ ոչ պակաս հետաքրքիր է, այդ մասին արագորեն հաշվետվություն է հղել յուր տիկնոջը, թե՝ «հայերի հախից եկա»:
Մի իսկական «քաջ Նազար», կամ «քաջ Բախտիյար»: Ստացվում է, որ Բախտիյար Հասանովը Մոսկվայի լեզվաբանական համալսարան ընծաներով գնացել էր իր բարդույթները հաղթահարելու և ազգամիջյան անհանդուրժողականություն սերմանելու համար:
Մեծ հաշվով, Շուշիում հասանովներն ու ալիևները մեկ «ձեռքբերում» ունեն՝ Շուշիի հայության կոտորածը՝ 20-րդ դարի 1920 թվականին, և դրանից ուղիղ մեկ դար անց՝ 21-րդ դարում, Շուշիի հայկական ինքնության ոչնչացումն ու նենգախեղումը:
Բայց դա՝ դեռ իր հերթին: Հետաքրքրական է և այն, թե ով է հիշատակված Բախտիյար Հասանովը: Բանն այն է, որ նա լիովին կարող է համարվել Ռուսաստանում գործող ադրբեջանական ԿՀԽ (կազմակերպված հանցավոր խմբավորման) եթե ոչ առաջին դեմքը, ապա ազդեցիկ դեմքերից մեկը՝ հաստատ: Դե, առնվազն նրանց «տանիքը», ինչպես նշում են ռուսական լրատվամիջոցները: Օրինակ՝ վերջերս ռուսական իրավապահների կողմից իրականացված համալիր գործողության ընթացքում կասեցվել էր ապօրինի կամ մաքսանենգ ապրանքների (առավելապես՝ ծխախոտի) իրացմամբ զբաղվող մի ամբողջ շարք կրպակների գործունեությունը: Ըստ որում, կրպակներում առևտուր անողները եղել են ադրբեջանցիներ, որոնք, ի լրումն, Մոսկվայում գտնվել են ապօրինի հիմունքներով: Իսկ ո՞վ է եղել այդ խմբավորման «տանիքը»: Ճիշտ է, Բախտիյար Հասանովը: Էլի ռուսական տեղեկատվական հարթակներն են վկայում:
Այ թե ինչպես և ում միջոցով է Ադրբեջանն «աշխատում» Մոսկվայում:
Մանրամասները՝ «Փաստ» օրաթերթի այսօրվա համարում
Руководитель Инспекционного органа по безопасности пищевых продуктов не только получил «sms», но ему...
Россия и Украина провели обмен пленными по формуле «205 на 205»
«Чем сильнее и могущественнее будет Россия, тем сильнее и безопаснее будет Армения»: «Паст»
Потерянные или украденные праздники.... «Паст»
В Гюмри при участии представителей Индии и Ирана отметили 80-ую годовщину Победы в Великой Отечестве...
Трамп признал: Россия хочет всю Украину - но ей придется уступить
Президент Союза армян Тюмени Авраам Овеян направил послание по случаю Дня Победы
Когда будут доступны данные по сборам за вывоз мусора, и что ожидается с точки зрения накопившейся з...
Министры обороны Армении и Кипра обсудили вопросы сотрудничества
Как «чувствуют» себя компании, связанные со строительством? «Паст»
