Հանրային խորհո՞ւրդ, թե՞ Փաշինյանի անձնական «դուքյան»
Օրերս Նիկոլ Փաշինյանի անձնական օգտագործման Հանրային խորհրդի նախագահ է ընտրվել Մատենադարանի տնօրեն Արա Խզմալյանը։ Վերջինս մինչ 2023 թվականը, ԿԳՄՍ փոխնախարարն էր մշակույթի գծով։ Մամուլում այդ ժամանակ էլ բազմիցս բազմաթիվ հրապարակումներ եղան Խզմալյանի կողմից իրականացված չարաշահումների վերաբերյալ, բայց, օգտվելով իշխանություններին մտերիմ լինելու հանգամանքից, Խզմալյանը ոչ միայն չպատժվեց, այլ նույնիսկ ավելի լավ և հարմար պաշտոնի նշանակվեց։
Այժմ էլ Փաշինյանը վերակենդանացրել է երբևէ նորմալ չգործած Հանրային խորհուրդը, այդ կերպ ընդամենը ապահովելով Սահմանադրության պահանջը։ Բոլոր իշխանությունների օրոք էլ Հանրային խորհուրդն առանձնապես լուրջ հեղինակություն չի վայելել, այդուհանդերձ, նախկին իշխանությունների օրոք այդ կառույցում ընդգրկում էին թե իշխանամետների, թե որոշ ընդդիմադիր գործիչների, այսպես ասած, աշխատանքի իմիտացիա ցուցադրելու համար։ Հանրային խորհրդի հեղինակությունն ընդհանրապես զրոյի հավասարվեց արդեն Նիկոլ Փաշինյանի իշխանության օրոք, այնքան, որ վերջին 3 տարիներին ընդհանրապես կառույցը չէր էլ գործում։
Հանրային խորհուրդը Սահմանադրությամբ ամրագրված մարմին է, և ի վերջո, կառավարությունը որոշել է այն վերստեղծել։ Խորհրդում ընդգրկված 45 հոգուց մեկ-երկուսին կարելի է վերապահումներով համարել ընդդիմադիր հայացքներ ունեցողներ, մյուսները, առանց բացառության Փաշինյանի ջերմեռանդ պաշտպաններն են կամ նրա ծպտյալ աջակիցները։ Հանրային խորհուրդը հասարակական գործունեություն է ենթադրում, որևէ մեկն այնտեղ աշխատավարձ չի ստանալու, սակայն Փաշինյանը ցանկանում է այդ խորհուրդն օգտագործել ընդամենն իր կարիքների համար, ցույց տալ, թե իբր լսում է հանրության ձայնը, մինչդեռ իրականում գործող իշխանությունները մեծ արագությամբ սլանում են դեպի բռնապետություն և խորապես թքած ունեն բոլոր քննադատությունների վրա։
Էլիզա Մարգարյան
Завершился международный шахматный турнир, организованный при поддержке IDBank
Актриса Джульетта Степанян удостоена премии «Белый слон»
Чтобы ни одна стена не осталась без фотографии Никола Пашиняна: «Паст»
Чья кандидатура будет выдвинута на пост президента Союза армян России? «Паст»
Ваге Овеян разгромил соперника и стал чемпионом Европы по греко-римской борьбе
Властям содержание не нужно: «Паст»
На Евразийском экономическом форуме в Астане ожидается рекордное число участников
Великая Победа и великий подвиг армянского народа. Арман Варданян
Здание семинарии было возвращено армянской епархии при поддержке Самвела Карапетяна: «Паст»
BBC: Звучит как угроза: Путин за месяц до выборов напомнил Армении об Украине
