Կրшկում են ամեն օր՝ գիշերային ժամերին․ ադրբեջանական բանակի կրակnցներն աhաբեկում են սահմանին ապրող մարդկանց
Ադրբեջանը կրկին մեղադրել է Հայաստանին Տավուշի ուղղությամբ հրադադարի պահպանման ռեժիմը խախտելու մեջ։ Մասնավորապես, այդ երկրի ռազմական գերատեսչությունը հաղորդագրություն է տարածել, թե իբր ապրիլի 9-ին, ժամը 23:50-ի սահմաններում, ՀՀ զինված ուժերի ստորաբաժանումները հրաձգային զինատեսակներով կրակ են բացել Թովուզի շրջանի Մուսյուսքենդ բնակավայրի ուղղությամբ տեղակայված ադրբեջանական բանակի դիրքերի ուղղությամբ:
Նշվում է, որ ադրբեջանական բանակի ստորաբաժանումների կողմից ձեռնարկվել են ադեկվատ պատասխան միջոցառումներ: MediaHub-ը կապ է հաստատել սահմանային բնակավայրերի բնակիչների հետ։ Տավուշի մարզի բնակիչն ասաց, որ ապրիլի 6-ից սկսված կրակոցներն առ այսօր չեն դադարել։ Կրակում են ամեն օր։
«Կրակոցներ նախկինում էլ եղել են, եթե չասենք ամենօրյա ռեժիմով էին կրակում, ապա դրանք լինում էին հաճախակի։ Ճիշտն ասած, 44-օրյա պատերազմից հետո դադարել էին կրակել։ Անցած տարի մայիսին, երբ ասացին սահմանազատում է լինելու, այդ ժամանակահատվածում ընդհանրապես ոչ մի կրակոց չի եղել։ Բայց արդեն 4-րդ օրն է, սովորական բնույթ է կրում։ Կրակելը մի կողմ, բայց որ մեզ են մեղադրում՝ սա արդեն մտածելու տեղիք է տալիս»,- ասաց Պառավաքար գյուղի բնակիչը` նշելով, որ ադրբեջանցիները հիմնականում կրակում են «Մեհրաբ» անունով հայտնի դիրքի ուղղությամբ, իսկ կրակոցների ձայները լսելի են հարակից բնակավայրերում։
«Նույնիսկ Այգեհովիտ գյուղում են լսել։ Հետաքրքիր ա, որ նույն երեկոյան կամ ուշ գիշերային ժամերին կրակում են նաև մյուս մարզերի դիրքերի ուղղությամբ»,- ասաց մեր զրուցակիցը:
Սյունիքի մարզի MediaHub-ի աղբյուրները նշեցին, որ թշնամին ապրիլի 9-ի լույս 10-ի գիշերը ևս կրակել է, լսվել են Խոզնավար, Խնածախ և Արավուս գյուղերում։
«Նույն վիճակն է։ Կրակում են երեկոյան ժամը 10-ից հետո, գիշերվա մեջ մի քանի անգամ։ Դրանք արդեն սովորական են դարձել»,- ասաց Խնածախի բնակիչը` հույս հայտնելով, որ ադրբեջանական կողմի մեղադրանքները հետագայում չեն վերածվի տեղային մարտերի։
Հունան Թադևոսյան
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
За пределами политических лозунгов — вопрос экономической ориентации Армении
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
