Եվրոպան այլևս կույր չի ձևանում. երկու բանաձև՝ ընդդեմ Ադրբեջանի. «Փաստ»
«Փաստ» օրաթերթը գրում է.
Երեկ Եվրոպայի խորհրդի խորհրդարանական վեհաժողովի աշնանային նստաշրջանի լիագումար նիստում ընդդեմ Ադրբեջանի երկու զեկույց է ընդունվել:
114 կողմ և 24 դեմ ձայների հարաբերակցությամբ ընդունվել է «Ադրբեջանի նախագահություն. ինչ հետևանքներ կան» զեկույցը, իսկ 117 կողմ 18 դեմ ձայների հարաբերակցությամբ՝ «Ադրբեջանում ժողովրդավարական ինստիտուտների գործունեությունը» զեկույցը:
ԵԽԽՎ–ն մտահոգություն է հայտնել այն փաստի կապակցությամբ, որ Ադրբեջանում կաշկանդում են խոսքի ազատությունը՝ քրեական իրավունքի կամայական կիրառմամբ, և կոչ է արել անհապաղ ապահովել Մարդու իրավունքների եվրոպական դատարանի որոշումների լիարժեք իրականացումը, ազատ արձակել քաղբանտարկյալներին և ստեղծել պայմաններ, որոնք թույլ կտան լրագրողներին իրենց աշխատանքը կատարել ազատ և անկաշկանդ:
Վեհաժողովը նաև շեշտել է Ադրբեջանի իրավական դաշտում անհապաղ փոփոխություններ կատարելու անհրաժեշտությունը, որպեսզի այն լիարժեք համապատասխանի Եվրոպայի խորհրդի չափանիշներին:
Հիշեցնենք, որ նպատակ ունենալով վերականգնել իր աշխատանքի նկատմամբ հանրային վստահությունը, կապված տարածված կոռուպցիոն մեղադրանքների հետ, վեհաժողովը օրերս միաձայն ընդունել էր ԵԽԽՎ խստացված Վարքագծի կանոնակարգ, հաստատելով Իան Լիդել–Գրենջերի զեկույցը։
Իսկ կոռուպցիոն սկանդալի մեջ ԵԽԽՎ–ն հայտնվել էր Ադրբեջանի պատճառով, երբ հայտնի դարձավ, որ ԵԽԽՎ նախկին անդամ, իտալացի պատգամավոր Լուկա Վոլոնտեն ի նպաստ Ադրբեջանի գործելու համար 2,4 մլն եվրո է ստացել: Վոլոնտեի գործին հաջորդեցին մի շարք այլ բացահայտումներ «Ադրբեջանական լվացքատնից», որով պարզ դարձավ. Ադրբեջանը կաշառել էր եվրոպացի քաղաքական գործիչներին։
Երեկվանից Ադրբեջանում հիստերիայի հերթական ալիքն է բարձրացել, թե Եվրոպայի խորհրդի գլխավոր քարտուղար Յագլանդի անմիջական մասնակցությամբ արշավ է ընթանում ընդդեմ «Եվրոպայի Խորհրդի անդամ» Ադրբեջանի:
Ադրբեջանական ԶԼՄ–ները շտապել են իրենց ընթերցողներին ևս մեկ անգամ հիշեցնել, թե «ԵԽԽՎ բանաձևերը միմիայն առաջարկություններ են» և Ադրբեջանի կառավարությունն այդ որոշումները «իրականությունից հեռու սուբյեկտիվ մոտեցումներ» է որակում:
Շարունակությունը՝ «Փաստ» օրաթերթի այսօրվա համարում
«Лакмусовая бумажка» для оппозиционного поля и избирателей: «Паст»
Только стыд и позор из-за властей: «Паст»
Освещения мероприятия блока «Армения» набрали около 15 миллионов просмотров: «Паст»
От Арцаха к Еревану: следующий этап азербайджанской экспансии
Фонд развития «Керон» и фонд «Музыка во имя будущего» сотрудничают во имя молодых талантов
Сюникцы обеспокоены: ситуацией вокруг Ирана могут воспользоваться враждебные силы, создавая риски че...
Наапетян: выборы превращаются в референдум — за «кандидата Азербайджана» или против
Кто такой Марио Науфал, которому дал интервью Нарек Карапетян? «Паст»
За два месяца девять лет восполнится? «Паст»
Угроза национальной идентичности армянского народа: «Паст»
