Նաիրիի «Հիվանդությունների վերահսկման և կանխարգելման ազգային կենտրոն» ՊՈԱԿ–ը փակում են. բողոք՝ աշխատակիցներից. «Փաստ»
«Փաստ» օրաթերթը գրում է.
Կոտայքի մարզի Նաիրի տարածաշրջանի ՀՀ ԱՆ «Հիվանդությունների վերահսկման և կանխարգելման ազգային կենտրոն» ՊՈԱԿ–ը հոկտեմբերի 20–ին կփակվի. «Փաստ» օրաթերթին ահազանգեցին կենտրոնի աշխատակիցները: Նրանց արդեն ծանուցումներ են ուղարկել:
Օպտիմալացման շրջանակներում արդեն Հրազդանի «Հիվանդությունների վերահսկման և կանխարգելման ազգային կենտրոնի» գործունեությունը դադարեցվել է: Այն սպասարկում էր նաև Չարենցավան քաղաքն ու ևս 10 համայնքներ:
Նաիրի տարածաշրջանի «Հիվանդությունների վերահսկման և կանխարգելման ազգային կենտրոն» ՊՈԱԿ–ի աշխատակիցների պնդմամբ, ի տարբերություն Հրազդանի սանէպիդկայանի, իրենք ավելի շատ բնակչության են սպասարկում: Փակման առաջ կանգնած սանէպիդկայանը սպասարկում է ավելի քան 16 համայնք և 2 քաղաք: Նաիրի տարածաշրջանն էլ կանցնի Աբովյանի «Հիվանդությունների վերահսկման և կանխարգելման ազգային կենտրոն» ՊՈԱԿ–ի հսկողության տակ:
«Հրազդանը քիչ բնակչության էր սպասարկում, բայց մեր ենթակայության տակ գտնվող գյուղերը շատ են: Մերը պետք է չփակեին: Հիմա ամբողջն ընկնում է Աբովյանի վրա: Էդ մի կենտրոնը ո՞նց է հասցնելու էդքան մանկապարտեզների, դպրոցների ու բնակիչների սպասարկել»,– մտահոգություն հայտնեց կենտրոնի աշխատակից Գոհար Պապյանը:
Նաիրի «Հիվանդությունների վերահսկման և կանխարգելման ազգային կենտրոն»–ի աշխատակիցները վարչապետին նամակ են գրել, բայց պատասխան չեն ստացել: Կառավարությունը բուժաշխատողների բողոքը հասցեագրել է Առողջապահության նախարարությանը: Ի վերջո, օպտիմալացման ծրագրի մեջ ընդգրկված կենտրոնի աշխատակիցները ստացել են իրենց հուզող հարցի պատասխանը. շենքն անբարեկարգ վիճակում է, և կենտրոնը բժիշկներ չունի: Սանէպիդկայանի աշխատակիցը, սակայն, հակադարձում է.
«Քանի տարի այդպես աշխատել ենք, ոչ մի ձեն չի եղել: Մենք բարձր կատարողական ենք ապահովել, մեր աշխատանքը լիարժեք կատարել ենք: Իրենց խնդիրներն ուզում են մեզ վրա փաթաթել»,– դժգոհեց մեր զրուցակիցը:
Կենտրոնի փակման հետևանքով ինը աշխատակիցները կհամալրեն գործազուրկների շարքը: Այժմ նրանք պատրաստվում են կրկին նամակով դիմել վարչապետին:
«Ինքը մեզ համար անհասանելի է, մենք իրեն նամակ ենք գրում, բայց իրեն չի հասնում»,– զայրացած ասաց առողջապահական կենտրոնի աշխատակիցը:
Աշխատակիցների պնդմամբ՝ իրենք պայքարելու են այս անօրինական որոշման դեմ: Աշխատակիցները պատրաստվում են նաև իրենց բողոքի ձայնը կառավարության շենքի առաջ բարձրաձայնել:
Շարունակությունը՝ «Փաստ» օրաթերթի այսօրվա համարում
Безопасное рабочее место как гарантия развития
Филиппо: Францию попытаются втянуть в конфликт на Ближнем Востоке
Власти всё равно не «успокаиваются»: «Паст»
Айк Марутян выбрал беспрецедентный формат встреч с гражданами: «Паст»
Почему знак «Серых волков» ассоциируется с жестами ГД-вских? «Паст»
Пошёл и «за границей» жалуется на Церковь и оппозицию: своеобразный «отчёт»: «Паст»
«Если у вас ничего не болит - проверьте, может, вы умерли»: Ирина Оганесян о пути балерины на стыке ...
«Проблема не только в том, чтобы сменить Никола, проблема в том, чтобы после этого у нас была четкая...
Фонд развития «Керон» и фонд «Музыка во имя будущего» сотрудничают во имя молодых талантов
Это, кроме вреда, ничего не дает: «Паст»
