Մարտի 20-ին սկսված կրակոցների համեմատ անցած գիշեր Խնածախում հանգիստ է եղել, 2 անգամ են կրակել
«Նախորդ օրերի համեմատ գիշերը Խնածախում համեմատ ավելի հանգիստ է եղել։ Ադրբեջանցիները կրակել են 2 անգամ, ձայները լսվել է խորքից»,- MediaHub-ի հետ զրույցում ասաց վարչական ղեկավար Սեյրան Միրզոյանը՝ վստահեցնելով, որ մարտի 20-ից հետո ավելի ինտենսիվ դարձած կրակոցների համեմատ մարտի 26-ի լույս 27-ի գիշերը Խնածախում համեմատաբար հանգիստ է եղել։
Գյուղի բնակիչները մտահոգված են ՊՆ հաղորդագրություններից։ Ադրբեջանցիները խախտում են հրադադարի պահպանման ռեժիմը, մեղադրում են հայկական կողմին, իսկ մեր ռազմական գերատեսչությունն այդ մասին լռում է։
«Ես կարդացել եմ Պաշտպանության նախարարության հաղորդագրությունները, և առաջարկում եմ պարոն Պապիկյանին՝ գա ու մեկ գիշեր ապրի Խնածախում, միայն էդ դեպքում կհասականա՝ ՀՀ պետական սահմա՞նն են թիրախավորում, թե՞ օդ են կրակում։ «Տրանսիրներով» կրակում են գիշերը, ուղղությունը մեր խաչն է, որ գտնվում է բարձունքի վրա»,- ասաց Խնածախի տարեց բնակիչը։
Սյունիքի մարզի Խնածախը նախքան առաջնագիծ դառնալը, ապահով էր, քանի որ թիկունքում Արցախի Քաշաթաղի շրջանն էր։ 2021-ի օգոստոսից Գորիս համայնքի Խնածախը, Խոզնավարը, Արավուսն ու մի շարք բնակավայրեր հայտնվեցին Ադրբեջանի հետ շփման գծում։ Իսկ 2022 թվականի երկօրյա ռազմական գործողություններից հետո՝ նույն ճակատագրին արժանացան Վերիշենն ու Կալերը, Կապան համայնքի մի շարք բնակավայրեր, ռազմավարական նշանակության ճանապարհներ։ Դիտարկման տակ հայտնվեց Վայոց ձորի մարզի Ջերմուկ քաղաքը, Արարատի մարզի Երասխն ու հարևան բնակավայրերը։ Սահմանազատումից հետո՝ Տավուշի մարզի հարավային գյուղերը։
«Մարտի 20-ից հետո ամեն գիշեր կրակում են։ Ամենաշատ խախտումը եղել է մարտի 21-ին, խփել են ավտոմատով, ՊԿ-ով և ՌՊԿ-ով: Չկա էդպիսի մի գիշեր, որ չկրակեն։ Մենք սադրանքի չենք տրվում, չենք պատասխանում, որ մենք էլ կրակենք՝ իրենք ավելի մեծ զենքերով կխփեն»,- վստահեցրեց Արցախյան առաջին պատերազմի մասնակիցը։
Նա իր մտահոգությունը հայտնեց, որ Խնածախն օր օրի դատարկվում է։ Հատկապես երիտասարդ ընտանիքները հեռանում են իրենց երեխաների անվտանգության համար։
«Կրակոցների տակ երեխա պահել կլինի՞։ Գյուղը դատարկվում է, սրա մասին մտածող չկա, մի քանի ջահել են մնացել, նրանց ցավը տանեմ, դիրքերն իրենք են պահում»։
Այսքանով հանդերձ, մեր զրուցակիցն ասաց, որ Խնածախում ու սահմանապահ մյուս բնակավայրերում ադրբեջանական կրակոցներից խուճապ չկա, քանի դեռ բնակելի հատվածը չի թիրախավորվում։
«Աստված չանի բանը դրան հասնի։ Եթե հանկարծ մի տուն, մի գոմ կամ մի մեքենայի վրա կրակեն՝ էստեղ ոչ մեկ չի մնա»,- հավելեց մեր զրուցակիցը։
Հունան Թադևոսյան
Властям не нужны ни объективные наблюдатели, ни справедливые выборы։ «Паст»
Лидер партии обвинил власти в игнорировании угрозы «Западного Азербайджана»: «Прячут голову в песок»...
Новая Мишель Обама: смелый стиль, подтянутая фигура и сияющее лицо
Кому и почему мешает название «Арарат 73»? «Паст»
Вопрос о лишении их сана должен быть решен немедленно: «Паст»
То, что делает Церковь, исходит только и только из интересов армянского народа и Армянской государст...
Почему Армения молча наблюдает за смертельными страданиями международного права? «Паст»
«Законодательный» «штыковый бой» властей против реальных наблюдателей: «Паст»
Для чего нужны представления с названием «литургия»? «Паст»
В администрации Трампа впервые признали, что иммиграционные агенты, «возможно, нарушили протокол» в ...
