Team-ը և Ericsson-ը կնքեցին ռազմավարական համագործակցության հուշագիր
Ericsson ընկերության նորագույն սարքավորումների և տեխնոլոգիաների ներդրմամբ Team Telecom Armenia-ն մեկնարկում է բջջային ցանցի արդիականացման լայնածավալ աշխատանքներ․ ընկերությունների միջև կնքվեց ռազմավարական համագործակցության վերաբերյալ փոխըմբռնման հուշագիր:
Team-ը այս տարի նոր սերնդի սարքավորումներով կվերազինի բազային կայանները՝ ապահովելով ավելի լայն և հուսալի բջջային ծածկույթ: Միաժամանակ, Ericsson-ի ցանցային և սերվերային նոր լուծումների ներդրմամբ զգալիորեն կընդլայնի բջջային ինտերնետի թողունակությունն ու արագությունը՝ բաժանորդներին տրամադրելով կայուն և բարձրորակ կապ:
«Այս ռազմավարական համագործակցությանը նախորդել է տևական արդյունավետ աշխատանք, որի արդյունքում մեր երկիր են բերվում տեխնոլոգիական հսկայի նորագույն լուծումները»,-ասում է Team Telecom Armenia-ի գլխավոր տնօրեն Հայկ Եսայանը և հավելում, որ վերազինման արդյունքում ընկերությունը պատրաստ կլինի մոտ ապագայում նոր սերնդի տեխնոլոգիաների և 5G ցանցի սահուն գործարկմանը:
Հուշագրի շրջանակում կողմերը համագործակցելու են մի շարք ռազմավարական ուղղություններով՝ 5G տեխնոլոգիայի և առաջադեմ հեռահաղորդակցության լուծումների զարգացման և ներդրման, ցանցի անվտանգության ու արդյունավետության բարելավման, գիտելիքի փոխանակման ու նորարարության խթանման, ինչպես նաև ազգային և միջազգային կարգավորումներին համապատասխանության ապահովման ուղղությամբ:
Հարավարևելյան միջերկրածովյան և Եվրասիա տարածաշրջաններում Ericsson-ի ղեկավար Անդրեա Միսսորին նշում է. «Մենք ոգևորված ենք Team Telecom Armenia-ի հետ ռազմավարական համագործակցությամբ: Համոզված ենք, որ այս համաձայնագրի շրջանակում իրականացվող ցանցային ներդրումները՝ ցանցի անվտանգության, արդյունավետության և կատարողականի բարելավման միջոցով, կբերեն օգտակար արդյունքներ հայ սպառողների համար և կդառնան ավելի ուժեղ թվային հասարակության ստեղծման հիմք»։
2025 թվականի ընթացքում Team Telecom Armenia-ն ավելի քան 10 միլիարդ դրամի կապիտալ ներդրում է կատարելու բջջային ցանցի զարգացման նպատակով: Նշենք, որ ընկերությունը նաև շարունակելու է կառուցել տարածաշրջանում եզակի NGN օպտիկամանրաթելային ցանցը, որը ստորգետնյա հուսալի հիմք է նաև բջջային ցանցի համար:
Планируется создать народное ополчение: «Паст»
Армения выберет нового поставщика паспортов и идентификационных карт
В Армении действует 11 центров русского языка: в странах ЕАЭС и СНГ будут созданы новые центры русск...
США откажут более чем 500 тыс. лиц в выдаче статуса легальных мигрантов
Когда уйдет руководство ФФА? «Паст»
Ливанская армия развернула патрули на границе с Сирией
Все одинаковы.... «Паст»
Стартовала образовательная программа «Родился в Арцахе»: молодые музыканты начали свою образовательн...
Анкара официально опровергла сообщения об открытии армяно-турецкой границы
NYT: Путин намерен выжать как можно больше из желания Трампа заключить мирную сделку
