«Տու 154»-ի վերջին րոպեները ․ «սեւ արկղի» վերծանված ձայնագրությունը

Life -ի տրամադրության տակ է հայտնվել Սեւ ծովում դեկտեմբերի 25-ին կործանված «Տու 154» օդանավի ինքնագրերից մեկի աուդիոձայնագրության վերծանումը։ Ձայնագրությունը ֆիքսել է օդաչուների խցում տեղի ունեցած խոսակցությունները։

Դատելով վերծանումից, ստեղծված վթարային իրավիճակը հանկարծակի է բերել անձնակազմի անդամներին, առաջին վայկյաններին երկու օդաչուները կորցրել են ինքնատիրապետումը, սակայն արագ ուշքի են եկել ու փորձել փրկել օդանավը։

Վերծանումը բարդանում էր կողմնակի աղմուկի պատճառով։ Օդաչուների ասածների մի մասը՝ գուցե ամենակարեւորները, ազդանշանների բարձր ձայնի պատճառով չի լսվում։

Վերծանում

Արագություն 300 ․․․(ոչ հստակ)
(Ոչ հստակ)
Հրամանատար, հենակները հավաքեցի
(Ոչ հստակ)
Այ քեզ բան
(Հնչում է կտրուկ ազդանշան)
Փականնե՛րը, գրողը տանի, սա ի՞նչ ապուշություն է․
Բարձրաչա՛փը
Մեր․․․ (Ոչ հստակ)
(Հնչում է ազդանշան երկրին վտանգավոր աստիճանի մատենալու մասին)
(Ոչ հստակ)
Հրամանատար, մենք ընկնում ենք
Ձայնագրության ավարտ

Աղբյուրի խոսքով «սեւ արկղերի» վերծանումը նախնական ցույց է տվել, որ վթարից առաջ միացել է «Տու 154»-ի ընթացքի անկյան գերազանցման հաղորդիչը։ Առկա տվյալերով, դրա պատճառը կարող էր լինել թռիչքային մեխանիզացիայի խնդիրները։

«Սեւ արկղերը վերծանելիս մասնագետները լսել են այն համակարգի բնորոշ ազդանշանը, որն ուղեկցում է ընթացքի անկյան գերազանցմանը։ Այդ համակարգը ավտոմատ կերպով արձագանքում է ընթացքի կրիտիկական անկյանը»,- պարզաբանել է աղբյուրը։

Բացի դրանից փորձագետները պարզել են, որ հիմնական պատճառները կարող էին լինել հենց օդանավի տեխնիկական անսարքության պատճառով մեխանիզացիայի ոչ սինխրոն հավաքումը կամ թռիչքային մեխանիզացիայի հավաքման ժամանակ անձնակազմի սխալ գործողությունները։